Birthday Celebration of Rev. Fr. Paul, Sacred Heart Church, Suangpi (4.6.2023)

Suangpi Parish acing akem Rev. Fr. Paul Cung Lian Kap ii kum (32) a cinna Suahni lungdamna pawi pi pen Suangpi khua, Siangtho lungtang Biakinn pi ah June 4 ni-in Parish min tawh nasia takin ki bawl hi.

Suahni lungdam kohna Missa Biakpiakna pen zingsang nai (9:30) in kipan in Missa Biakpiakna sungah Sakollam aa om Association Parish Priest Rev. Fr. Augustine Thang Lian Pau in Suahni pen Topa hongpiak nithupi ni khat ahihna thu leh Tothum Pasian khat tawh kisai bulphuhin kha-an vakna nei hi.

Missa Biakpiakna man khit cing Biakinn pua lam Stage tungah Suahni muakna pawi lenkhopna Khangnote makaihna tawh nasia takin ki bawl hi.

Letsong piakna pen Parish min, Parish sunga om khua kim pan leh kipawlna tuamtuam te tung pan piakna neih khitteh mimal tung pan piakna ki nei hi.

Tua khitteh Rev. Fr. Paul Cung Cung in lungdamkohna a genna ah “ka suahni pawiah Siampite, Nungak Siangtho te, Deacon pa leh thuzuite hongpai-in thu nongngetsak khit uh teh pawi zong hong bawlsak lai na hih manun nakpitak in ka lungdam hi. Mai lamah Siampi khat tawh kituakin gamtat kampauna leh om dan siamna ka neih zawh semsem nangin thu hong ngetsak lai uh” ci-in genkhiatna nei hi.

Hih Rev. Fr. Paul Cung ii Birthday pawi ah Siampi (6), Deacon (1), Nungak Siangtho (8) leh thuzui mi (500) val pha hi.

Zingsang a kikhawm teng pen Siampipa in Buhcim leh Aksa tawh an vak hi. Tua khitteh Pawlpi mite in Vokgo in Nitakan nek pihna nuam takin nei uh hi.