Asungkuate akizuaksak sawm pasalno khat ahon khia Siampipa

Fr. Ignacio María Doñoro de los Ríos in galkap Siampi khat hi. Galkap Siampi cih ciangin gal do na ah aki hel Siampi hi lo in Gal do na ah akuan galkapte zui-in Catholic galkapte ii kha nuntakna nadingin mawhsutna, Missa biakpiakna, gal do na pan liamma angah galkapte ading thu ngetsakna leh Sathau Siangtho nuhna te a pia ahi hi. Galkap Siampi khat hih nadingin galkap tentan kah ding kisam hi. Fr. Ignacio Maria Donoro de los Rios in lungsim sungah ngaihsut zawhloh zah dongin amulkimhuai thahna tawh aki that dektak naupangno khat hon khia zo hi. Siampipa in Galkap Siampi in kum (25) sung kipia khia aa, ama kipiak khiatna leh asiamna hangin Princess of Asturias Award for Concord pahtawina ngah dingin teelna ngah hi. Siampipa in galkap Siampi asep zawhna in khangnote ading hi ci hi. Bang hang hiam cih leh khangnote in cihmawh gentheihna hangin atuamtuamin zuakna thuak uh hi.

Fr. Ignacio in 1990 kumin El Salvador gamah vaipuak anei galkap khat hi. Tua hun lai-in atuak thu khat in ‘mihing pumpi sunga sungkuate khat peuhpeuh van mawkmawk kizuak bangin zuakna’ hi.

Acimawh, agenthei mahmah, ta (5) anei innkuan khatin kum (14) apha atapa ‘Manuel’ zuak dingin ngaihsun uh hi. Bang hang hiam cih leh Manuel in mipi cing khat hi lo in aneu tungpan adam lo khat hi. Amah pen dollor (25) tawh zuak dingin anulepa te in ngaihsun uh aa, tua angah sumte tawh innkuan nek le dawn ding lei ding cih ngimna nei uh hi. Hih thu Fr. Ignacio in a zak ciangin sawtpi lungngai nawnlo in tua naupangpa hotkhiat nading hanciam hi. Siampipa in kaal khat sung amukmul kiat lo in koih aa, tua khit ciangin truck Mawtawpi khat kawmin mi mawkmawk khat bangin puan a silh khit ciangin tua acimawh innkuante om na lam zuanin pai hi.

Manuel te inn atun ciangin Siampipa in mizuakte piak zah ding sang atamzaw sum pia in Manuel pen a Mawtaw tungah tuangsakin pai khia kik pah hi. Hi bangin Manuel in mihing lungsim aneilo te’ khut sungpan suakta liamliam hi. Fr. Ignacio in a gen na ah Manuel ahotkhiat laitakin thu tampi ka ngaihsun kha hi ci hi. Hi naupangno pa ii nulepa te in bangzahin na sa ding uh hiam? Hih naupang bang hangin lei ka hi hiam cih a thei uh tam. A tapa uh alei nuamte in mihingte sungkuate lakhiain sum met bawlte ahih na thu a thei uh tam maw ci-in ka ngaihsun hi ci hi. Fr. Ignacio in tua naupangpa’ innkuanpihte thumanlo pi in ki mawhsak thei lo hi. Bang hang hiam cih leh naupangpa asawt lo in si ding hi. Amaute in lungnuam takin azuak hi lo hi. Na sa pipi mahin a zuak uh hi. Amantakin Manuel in athuman huhna kisam hi. Tua ahih manin hoih tak kemin ka koih hi. Amah ka hotkhiat zawh kum (25) asawt ciangin Manuel cidamin nungta lai hi cih thu ka thei hi. Bang hang hiam cih leh Fr. Ignacio in ama gam ahi Spain gamah a ciah zawh ciangin Manuel in Fr. Ignacio lai khak hi ci hi.

Tua lai sungah ‘Fr. Ignacio in ama nuntakna sungah a thupi mahmah mikhat hi’ ci-in gelh hi. Fr. Ignacio in Nazareth Home cih kipawlna khat phuan hi. Tua kipawlna in adiakdiakin nulepa neilo naupangte, nupa kikhente’ ta te leh aki zuak naupangte kemin khoi uh hi. Fr. Ignacio in Kum sialin ‘Telva’ pan akipia ‘Solidarity’ pan tu kum (2021) ading angah dollor 20000 pen buh ciing nadingin lo leina in zang hi. Nazareth Home ii kisapnate huh  nading cih giimna tawh a lei ahi hi. Tua ban ah tu kum June 30 ni-in zong Princess of Asturias Award for Concord pahtawina ngah dingin Fr. Ignacio in teelna ngah hi ci-in ki tangko hi.

https://bit.ly/3ynyNw5