ASH Wednesday at At St. Mary's Cathedral, Kalaymyo (14.2.2024)

Vut Siangtho Pawi ni Msgr. John Khuppu vaihawm siamna tawh St. Mary's Cathedral ah Missa Biakpiakna nih vei kibawlin a nih vei mahin mi tam mahmah hi. 

Missa Biakpiakna pen Mandalay Diocese pan hong pai Rev. Fr. Augustine Tin Htun in makaih in Siampi (4) kihel hi.

Vut kinuhna pen Christian Masa te in Pasian mai leh mipi mai ah mawhnei mi hi-ing ci-in a ki pulaak na uh hi-in tua khitteh mawhna pan a kisikkikna uh lim lahna ahi hi.

Ei Khangthak Topa Jesu nung zui Christian te khempeuh in zong ih Pu ih Pa te upna zui-in mawhna pan kiksikkikna tawh Vut kinuh in ih Taltang ah Gupkhiatna ih ngahna Sianglamteh mite mai-ah hangsan takin pua ciat ni.

Hi Vutsiangtho pawi pen Christian minpua pawl dang tuam tuam te in tu ciang ciang thei nailo leh zang nailo uh hi. A hi zongin a sawtlo-in a maute in zong a innpi te uh ii nasep dan te hong etteh in hong zang ding uh hi cih pawk khawlin ih upna te gamtat hoihna tawh lakkhia den ni.