Annual Retreat of Priests of Kalay Diocese (2022)

Siadawpa leh Siampite Pasian thu lungngaihna a kipatni misa bawl hun(Kalay Diocese, Pastoral Centre, Kalaymyo)

Tuni (Jan 25, 2022) ni-in Kalay Diocese sunga om Siampi teng in Kum Cin Pasian thu Lungngaihna Siadawpa tawh bawl khawm in nuamtak in ki pan thei uh hi.
    Gamsung buai na tuam tuam hang tawh Siampite a vekpi in mun khat ah ki tuah khawm thei lo uh a hih manun Kalay Zone leh Khampat Zone in Diocesan Pastoral Centre, Kalaymyo ah bawl in Tedim Zone leh Tonzang Zone teng in Assumption Church, Tedim Myoma ah bawl khawm uh hi.
       Kalaymyo aa teng pen Salesian Sang pan Rev. Fr. Bosco Ai Lian Thang in Retreat Preacher hong sem in Tedim lam aa teng pen Msgr. John Khuppu makaihna tawh Retreat Preacher pen a mau teng mah ni khat Siampi khat ta in vai puak la in kikhhel diamdiam uh hi.
         Kalay Zone leh Khampat Zone aa om Siampite pen cidam lungnuam takin a vekpi un kihel kim thei uh hi.
        Tedim Zone leh Tonzang Zone Siampite sung pan nih ki hel zolo uh hi. Rev. Fr. Stephen Tuangpi (PP of Tonzang) pen gilsung lam damlohna hangin tu laitak in Kalaymyo Royal City ah Zato lum a hih manin hong kihel zo lo hi. Tua ban ah Kaptel Mission Centre aa om Siampi pa Rev. Fr. Martin Dal Do pen Kaptel pan Tedim tung khin hi mah ta leh Kum (80) kim a pha Vangteh Khua aa om a pianna a Pa pen muan huai lo zah dong phialin a cina a hih manin tuni in a mah Tedim pan Vangteh ah a Pa veh dingin va ciah a hih manin Pasian thu lungngaihna ah kihl zo lo hi.
    Hih a kihel zo lo Siampi nih te aa ding in thu ngetsak ciat ciat ni.
    Tua banah hih Pasian thu lungngaihna tung tawn in Siadawpa leh Siampite cidam in ih Gam leh ih lei, ih Diocese sungah ah khantohna tampi ih ngah nangin thu ngen khawm ciat ni.

Add new comment

2 + 4 =