Annual Retreat of Assumption Intermediate Seminarians, Kalaymyo (25-28, 2023)

Rev. Fr. Robert Pau Gin Mung (Rector of Minor Seminary) ii vaihawm siamna tawh Kalaymyo Siampi sinna sanga om sangnaupangte kumcin Pasian
thu Lungngaihna pen Sep 25 nitak pan 28 nitak dong nithum sung Laaitui Parish acing akem Rev. Fr. Joannes Cin Sian Langh Thang makaihna tawh
noptak in kibawl hi.
Fr. Joannes in hih Pasian thu lungngaihna hun sungin 1. (Vocation)
Pasian nasem dingin sapna, teelna ngahna leh ki piakkhiatna tawh kisai
2. (Human Psychology) Lungsim ngaihsutna tawh kisai-in nuntak pih ding thu te leh 3. (Personal Experience) ama ii Pasian nasepna sungah a
tuah khak a theih huai thu te etteh theih dingin gen khiatna cih bangin khen thumin khen in genkhiatna nei hi.
Hih Pasian thu lungngaihna hun sungin (Silence) ci-in gamdaihna ki
thupi sak pha mahmah hi. Midang tawh ih kiho sangin Pasian tawh kiho
zaw ding, Khasiangtho aw ngai ding cihna tawh gamdaihna a ki nei ahi hi.
Missa Biakpiakna hun, khikhinna hun, (Benediction) Siangthopumpi
biakna hun leh thugenna hun te lo buang pen (Personal Prayer) khatkia
thugetna, (Personal relationship with God) Pasian tawh kiho na cih te tawh hun ki beisak in hih nithum sungin a dang nate kisem lo hi.
Hih Assumption Intermediate Seminary a kici Siampi sinna sanga om Sangnaupang te pen tan (10) aung sa University a kah ding sangnaupangte
hi-in kum khatna pan kum lina dong, Hakha Diocese pan hong pai te tawh vekpi gawm mi (44) bek pha uh hi.
Gamsung vai buaina a om pan kipan tan (9) tan (10) cih te om nawnlo ahih manin hih sangah mi tawm mahmah
ta hi. Hih sangah pen Sangnaupangte Formation apia dingin Siampi (3) om uh hi.
Hih Sangnaupang te Siampi a suahzawh nang uh leh mailam hunte ah sang naupang tampi a kibehlap zawh semsem nangin thungetna ah phawk
ciat ni.
By Fr. Joseph Zo Mung