Alian bel Siampipa in ama ii Tuucing khualzinna ah cidam in pai zo ahih manin Tonu tungah lungdam ko

Alian bel Siampipa Pope Francis in Hungary gam leh Slovakia gamte ah Tuu te vilin apaina pan September (15) ni-in cidam in ama om na Vatican ah ciah kik hi.
Pope Francis in tua bangin gam dangte ah Tuu te vilin apaina pan Vatican a tung kik ciangin atun ni (ahih kei leh) a zing ciangin Tonu tungtawnin Pasian kiangah lungdam ko den hi. Tua bangin lungdam a koh ciangin alungsim sung bek pan hi lo-in, amah mah Tonu kiangah pai-in lungdam ko den hi. Amah apai denna biakinn pen Roma a om Basilica (4) sung pan khat ahi, St. Mary Major (Tonu Maria biakinn pi) ahi hi.
Tu in zong Vanleng tung pan a tuah khit ciang, ama om na sangpi ah ciah suak pah lo-in Tonu Maria Basilaca biakinn pi ah pai pahin Tonu paak (yef;pD;)apiak khit ciangin ama khualzinna lampi kipat pan atawp dong adingin lungdam ko in thungen in tua khit ciangin ama om na ah ciah pan hi ci-in Vatican thu kizak sakna pan ki thei hi.