Africa gamin “kilemna kisam hi” ci-in Pope Francis in gen

Holy Land leh Kawlgam adingin minute khat sung dai takin thungetsakna bawlding Pope Francis in pulak

Africa in “gongtatna hi lo-in, kilemna” a kisapna thu, Burkina Faso khua a thupiang ahi, mitampi in thahna athuakna tawh kisai-in thahna athuakte’ innkuanpihte tawh a ki bangin dah in amaute tawh kinai takin om in thu Ka ngetsak ding hi cih thu te a beisa (Sat)ni-in Pope Francis in gen hi. Tua thu in ni-ngani leh kiginni(sani-ni) te in a piang ahi hi.
Pope Francis in Nipini in St. Peter tualpi ah Angelus thungetna ngen khawm dingin apai thuzuite kiangah  zong Africa aa thu piang gen hi. Tua buaina sungah naupangnote tawh a kigawm mi (132) in thahna thuak aa, tua khua a dingin tu kum sung asuukpen thu piang ahi hi. Kumpi in nai (72) asawt hun pen khasiatna leh dahna hun in tangko hi. Liamma angah mi (40) om hi ci hi. Tua a gongtat te in Nigeria gam tawh gamgi ahi, Solhan khua ah zan tangpi in lut in mi te that, inn leh vanzuakna sumbuuk te zong meitawh hal uh hi. Hih ki do na in Africa gam ii Sahel Muslem gam a sat nopna Al Qaeda ki pawlna te tawh kizom hi. Hi te in tu kum pankipan, a diakdiak in Burkina Faso, Mali leh Niger munte ah hong ki pan kik ahi hi.
Tua gongtatna te hangin kum nih sung, amau inn leh lo nusia in a tai mi tan 1.14 val om hi. Tua mah bangin gam veng ahi, Mali gam pan zong gentheih haksatna, guahtui ki cin lohna hangin a tai mi (20000) bang pha hi.
Pope Francis in tua thu te a gen sung mah in “Kawlgam leh A siangtho mun” a dingin minute khat sung daitakin thu ngetsak na dingin thuzuite hanthawn hi. Gam tuamtuam  tawh kisai Catholic kipawlna te in Makai in “ a siangtho mun leh Kawlgam adingin minute khat sung dai takin thungetsak na pen June, 8 (Tue)ni-in ki bawl ding hi cih thu leh mi khempeuh a kihel na ding, pawlpi, minam ki bat loh hangin khat ciat upna tawh ki hel in thunget na dingin Pope Francis in pulaak khia in mipi te tungah zong ngen hi.

Add new comment

1 + 7 =