Admission to Priesthood (19.11.2023)

November 26, 2023 ni ciang Siampi Suahnaza angah ding Deacon Andrew Thang Muan Tuang leh Deacon Francis Nang Deih Pau te Siampi kipawlna sungah sanna pen Kalay Diocese hongcing hongkem Bishop Felix Lian Khen Thang in Diocesan Pastoral Centre, Kalaymyo ah (19.11.2023) ni nitak Benediction man khit ciangin bawl hi.
Hih Admission pen Deacon ngah madeuh in Admission to Deaconate Ordination ci-in khat vei ki bawl in tua khitteh Siampi suah madeuh in zong Admission to Priestly Ordination ci-in khat vei ki bawl kik hi.
Hih admission a kibawl na pen Deacon a suak ding Brother te in Deacon a suah nopna uh Diocesan Bishop kiangah a pulak khituh teh Diocesan Bishop in note Deacon suak dingin kong sang/ deih mah hi ci-in phalna a hi hi.
Tua mah bangin Siampi a suak ding Deacon te in zong Siampi a suah nopna thu uh Diocesan Bishop kiangah a pulak khit uh teh Diocesan Bishop ii a san na/ a phalna pen (Admission to Holy Orders) ki ci hi.
Hih Admission te bawl khit ciang bek in Siampi kisuak thei pan hi.