A (4) Veina Kalay Diocese Centre aa om Zum Nasemte Pasianthu Lungngaihna (26.8.2022)

A (4) Veina Kalay Diocese Centre aa om Zum Nasemte Pasianthu Lungngaihna

Tuni Pasian thu lungngaihna pen a ngeina mah bangin Zingsang thungetna nai (9:00 AM) in ki pan in tua khitteh Rev. Fr. Andrew Go Nang (Director of KMSS ) in Pasianthu Lungngaihna hong makaih hi.

Amah in (Lk 16:10-23) na bulphuhin "Stewardship" "thuneute tungah a citak mi-in thu lian tungah zong citak hi" ci-in sepna bawlna peuh ah thumaan na leh cihtak natawh sep ding a kisap na thu hong gen hi.

Tua banah Kalay Diocese sunga nasem eiteng ih hoih leh ih Diocese a hoih hi dinga, ei teng ih ginat kei leh ih Diocese min asiasak ih hikha ding hi. Tua ahih manin ih Diocese ii Vision, Mission leh Goals tawh kituak in limtakin na ihsepzawh nang hanciam ni ci-in thapiakna nei hi.

A thukhupna ah Misiangtho Francis of Assisi leh Mother Theresa te ii thungetna te hong gen in tua tawh kituak in Doicese sunga Zumnasepte in midangte tung pan itna alamen masa te hilo in midangte tungah itna a piakhia masate ih hih nang hanciam ni, ih Pawlpi mintawh cimawh huhna ih piakkhiatna te a zong midangte tungah Sia asemte hilo in midangte kisapna a huhte hi zaw ni, kilemna a omna munah buaina a piangsakte hilo in, ki muhdahna, kilemlohna a omna munte ah kilemna a puakte hizaw ni ci-in Zum nasemte lungsim puakzia ding leh gamtat ding zia te hilhcianna hong nei hi.

Missa Biakpiakna a man khit ciangin Rev. Fr. Andrew Go Khan Nang (Director of KMSS) in thu zaksakna pawlkhat hong nei-in (12:00 Noon) hun ciangin KMSS leh Diocese pan kipawlin a hong piak khiatuh sun-an nekna tawh nuamtakin hun te ki mansiang hi.

Hih Pasian thu lungngaihna sungah Siampi (3), Nungak Siangtho, thuhilhsia te leh Zum nasem teng a kigawm vekpi mimal (40) val kipha hi. Hih Pasian thu lungngaihna pen Kha sim in a nunung ni nga (Friday) ni ta in a ki bawl a hi hi.
By- Fr. JZM

Add new comment

1 + 6 =