Pope Francis gen: Ih Lawm It pen Jesu Bek

Pope Francis gen: Ih Lawm It pen Jesu Bek

Brazil gam aa om, Pasian nasem a hi Religious numei te leh pasal te kiangah ‘leitung lunggulhna te hemkhia in thungetna thupi sak masa un. Bang hang hiam cih leh Jesu Topa a en mi-in midangte phattuamna ding bawlin nungta uh hi” ci-in thu vaikha hi. Bang hang hiam cih leh tua Religious te in Aug 16-22, 2020 nite in kimuh khopna nei uh hi. Brazil gam’ Pasian na sem Religious te kipawlna ah makaipi ahi Rev. Sr. Maria Ines Vieira Ribeiro kiangah zong “hi bangin a vaihawm manin lungdamna thugen in, hih kimuh khopna in Pasian nasemte ki-et kik nading leh ki puahphat nading ahihna, no leh no naki piakkhiat zawh man un lungdamin ki paak ci-in Jesuit Religious ahi Pope mahmah in zong thapia hi. Nuntakna in Pasian itna sungah sapna ngahna ii a gah ahi hi. Ih nuntak kalsuan na-ah lawm bangin hong tonpih in, Pasian in eite lungnopna ah hong sam a, tua lungnop kipaakna pen ei leh ei midangte ading ih ki piakkhiatna bek ah kimu thei hi.

“Thungetna in Jesu Topa kiangah ih lungsim hong kaikhawm hi.” Tulai mihing nuntakna in hun kikhelna tawh kizui-in nuntak khuasakna na lam ah mainawt hi. Tua ahih manin Religious te in leitung lungsim ngaihsutna te’ tuamcipna thuak khak loh nadingin ki kep phat ding kisam hi. Bang hang hiam cih leh leitung lungsim ngaihsutna te in Pasian’ hoihna phatna te teltak ih muh theih loh nadingin ih mit-te hong mang sakin hong liah uh hi. Tua ngaihsut nate hangin leitung nuntakna bek a thupi pen hong suaksak hi. Hih ze-et na ih kantan zawh nadingin ahoih pen zatui in bang zah takin na sep buai mah ta seleng thungetna bulphuhin ih nuntak ding ki sam hi. Jesu Topa mitsuan in a en mi-in koici bangin nungta kalsuan ding, koici bangin ama na semding cih te thei-in amau te in Pasian itna a ngah na-uh phawk den uh hi.

Pope Francis in Religious te kiangah Jesu Topa in ki ciamna nabawl mah bangun note amasa pen leh khat bek ahi na-it pa uh ahi hiam? Tua bang ahih ciang bekin ih nuntak kalsuanna sungah ih muh ding mite ih it takpi thei ding hi. Itna in koi bang dan hiam cih thu Jesu Topa kiangah sin un. Tua hi leh itna man ih theitel takpi ding hi ci-in han thawn hi. Rome khuapi aa a ki kaikhawm Religious te in Pope Francis tawh Angelus thungetna ngen khawm uh a, thu nget aman uh ciangin Pope in na nuntakna uh na piakkhiatna uh ah lungsim suakta takin mainawt un ci-in hanthawn hi.

Translated by Rev. Sr. Agnes Cing Bawi

#kalaydiocese, #rva, #rvatedimchinservice, #PopeMessage,