Topa ten Missa Biakpiakna ah asilh Puantual te thu

Missa sunga aki zang van te , chapteh na lim te leh Siampi te silh puan te ii adeihna te

1. Vestment = Thu thuk le manfaatnya allah na hi.

2. Chasuble = A tung pen asilh puantual hi in Pilatu kumpi zum ah Topa Jesu kumpi ci-in azahpih na un asilhsak puantual lim alah na hi. Tua puantual tung ah Singlamteh lim a koih na in Topa Jesu Calvary mualah Singlamteh pi a puakna hongphawk sak hi. Tua ban ah anung lam a Singlamteh in thuzui mi te mawhna dan lohna hi aa, a mai lam a singlamteh in Siampi pa mawhna dan loh na hi. Lam khat pan ci leng Siampi te in Missa biakpiakna abawl sial in ama mawhna leh thuzui te mawhnadan te thum kawm (loh khawm) hi cih na hi.

3. Missa sungah aki zang puanmel (6 ) om hi. Tua te in – 1. A kang  2. A san  3. A eng  4. A dum (mantamel)  5. A vom leh  6. Shwe zawng (a nai) te hi.

1.     A kang in siangtho na, pahtawina leh gualnop na te lah na hi-in Tonu Maria pawi ni, Vantung mi te pawi ni te leh Misiangtho te pawi ni te ah ki zang hi. Jn 1:12

2.     A san in hangsan na, sisan luanna lah na hi in Khasiangtho Pasian pawi ni, Singlamteh gualzawhna pawi ni leh thatna athuak Misiangtho te pawi ni te ah ki zang hi. 1Jn1:7

3.     A eng in lametna lahna hi-in mi pil thum te pawi ni, Pawipi (Solemnity) ni ahi lo ni pi ni te leh hunnautang  ni te ah ki zang hi.

4.     A dum (mantaamel ) in ki sikkikna leh ki dekna lah na hi-in mawhna dan loh nading hun hoih pen te ahi Adventu hun leh Vua hun te ah ki zang hi.

5.     A vom in dahna lahna hi-in Topa Jesu sih ni ahi siangtho ni nga ni leh mi si mun te ah ki zang hi. (Tun hun in hih a vom pen ki zang nawn lo hi.) Rom 3:23

6.     Shwe zawng (a nai) in kumpi te silh puan lah na hi in Christu kumpi pa pawi ni leh pawi thupi ni te ah (a kang, a eng, a san ) te tang in ki zang hi.  ( GIRM no. 346 ) Rev5:10

7. Puantual kang asau (Alb) pen Herod kumpi pa in Topa Jesu zapina in asilh sak puantual phawk na hi. (Lk 23 : 11)  Tua ban ah Siampi te lungsim siangtho na lim lah na zong hi.

Add new comment

13 + 2 =