Sts. PETER & PAUL BIAKINN PAWI

Sts. Peter & Paul parish acing akem Rev. Fr. Maximian Pau Sian Mung (PP of Sts. Peter & Paul and Chancellor of Kalay Diocese) ii vaihawm siamna tawh tuni Sts. Peter & Paul Biakinn Pawi, Kalaymyo ah noptakin ki bawl hi. Tua pawi ah Rev. Fr. Joseph Thang Nen Zo Mung (Director of KOSC & RVA) in Lungdamna Laisiangtho (Mt 16:13-19) na bulphuhin Kha-anvakna nei hi. Amah in Topa Jesu in Peter tungah Pawlpi nalam/phut in tua Pawlpi pen Dawigilo te in zolo ahih manin tuni-in Catholic Pawlpi pen Leitungbup ah Khang semsem ahihna thu leh St. Peter leh St. Paul te ii nasep khop zia te gen hi. A mahin St. Paul pen Topa Jesu ii teel Nungzuipi (12) lakah kihel lo in Peter ii a teel, a khutngakna tawh nungzuipi za ngah ahih na thu leh St. Paul pen mipil Lawyer khat hi mah ta leh kiniamkhitin Peter thu a man mah bangin ei Catholic Pawlpi sungah zong mipil misiam tampi om mah ta leh tua te in Pawlpi Makai (Pope, Bishop & Priest) te thu mang uh a hih manun Pawlpi khang semsem a hihna thu te ih etteh theih dingin genkhiatna nei hi. Tua banah ih Pawlpi pen Khasiangtho in makaihin Pawlpi sungah zong Khasiangtho a sangte bek om a hih manin Khasiangtho leh Khangsiangtho ki lang pan ngei lo a hih manin ih Pawlpi sungah ki pumkhatna om in a khangto semsem ih hihna thu leh ih Pawlpi pen Synodal Church - a tonkhawm Pawlpi, azawng ahau kua mah kideidanna omlo in mikim ii nopsakna Pawlpi, Leitung aa ding bek hilo-in ih Kha, vangam hong tun ding Pawlpi ahihna thu te gen hi. Missa Biakpiakna a man khit ciangin Inntek Siampipa Rev. Fr. Maximian Mungpi in Parish Hall Innpi lamna dingin huhna a pia mite tungah lungdamkohna Laipi piakna nei hi. Tua sungah teng 10, tungsiah a pia teng khat khatin sam in tua khitteh a dang teng pen a veng makai te tungah a na piak sawn dingin ap hi. Kikhop minciangin a kikhawm teng Aksa leh buhciim tawh an kivak in Biakinn Pawi Bawlna ah Mipi in tha ngah mahmah uh hi. Sts. Peter & Paul aa Nupite pen an huan, meh awm kiva phadiak ahih na thu te zong Pawlpi Upa te in pulaak khia in lungdam kohna nei uh hi. Tuni Biakinn Pawi bawlna Missa Biakpiakna sungah Siampi (3) leh thuzui mi (2000) tulnih kim pha dingin ki um mawh hi.