Singlamteh ii thupitna

Singlamteh vang aa hoihna phatna (Photo: Credit to original post)

*Inn ah Singlamteh a om hang, innkuan sungah khat leh khat mawh kimaisakna, ki lemna a om kei leh...

*Biakinn sungah Singlamteh a om hang, Pasian itna tawh ki lemna, ki maisakna aom kei leh...

*I ngawngah Singlamteh I ok hang, I lawm I gualte tungah mawh maisakna I piak zawh kei leh...

Singlamteh te in khiatna neilo ding hi.

*Biakinn, inn leh I ngawng aa I oak Singlamteh te ii a khiatna in ki lemna ahi hi.

*Pasian leh mihingte ki lemna, mihing khat leh khat kilemna te honglak Singlamteh lim in….

A tung pan anuai ah apai na in Pasian leh mihing kilemna lim hong lak hi aa, a phei pai pen in mihing khat leh khat kilemna lim hong lahna hi.

*Topa Jesu adingin Singlamteh in Pa Pasian tungah a koih ama ii upna ahih ban ah Pa Pasian ii deihna te kiniamkhiatna tak tawh amangna lim ahi hi.

*Hih singlamteh apua mikhempeuhte, upna, kiniamkhiatna leh hoihna phatna bawlna lampi ah a gim atawl mite adingin Topa Jesu in tawldamna ciktui bang ahi hi.

*Ih singlamteh lampi ah hoihna phatna te leh itna man tawh kalsuan lehang gualzawhna ngah ding cih Topa Jesu in hong lah mah bangin eite nuntakna ah zong Topa Jesu mitsuan in ama sulzui in I kalsuanzawh nading han ciam ciatni.

 

Add new comment

1 + 12 =