Singlamteh hangin Gualzawhna hongpian khiatna thu

A Vang lian mahmah Singlamteh hangin Gualzawhna hongpian khiatna thu

Singlamteh Gualzawhna Pawi: (Sep 14, 2020), Nidang lai-in mawhnadan piakna leh sihna cih khiatna anei singlamteh in Topa Jesu hangin nuntak tawntungna gam tun na ding ''leei'' hong suak hi. (1Cor 1:23-24) ah "Ahi zongin kote in ka hih uh leh, singlamteh tungah khai lupna a thuak Christu thu tangko ka hih manun Jew mite aadingin ki suihkhakna khat hong suakin Gentile mite aading a haihuai khat hong suak hi. A hi zongin Pasian sapna a ngah Jew mite le Greek mite aadingin ahih leh Christu pen Pasian pilna le Pasian vangliatna ahi hi". ( Lk 9:23) Tua khit ciangin amah in, mi khatpeuh in ka nung hong zuih nop leh amah le amah kinial dinga nisimin ama singlamteh pua in ka nung hong zui ta hen. Singlamteh gual zawh na pawi pen AD-629 kum in a ki mu kik asiangtho van tawh ki zop na om hi. Topa Jesu a ki vui khit ciangin a singlamteh pen anungzuipi te in amuh loh na dingin dum khat sungah paai in lei leh suang tawh vuknelh uh hi. AD-326 kumin Constantine kumpi pa nu St. Helena in Singlamteh ki sel na mu a ,Singlamteh pen biak inn khat ah koih hi. 614 kumin Persia minam te in Palestine do uh a, van manpha te la uh hi. 629 kum ciangin Constantinople Empire kumpi pa in Persia te zo in Singlamteh pen Jerusalem ah amah mah in pua in apai leh khua kongkhak a tun ciangin a pai zo nawn kei hi. Tua ciangin a gei aom mi khat in kumpi pa kiangah amanpha kumpi puan leh Topa Jesu singlamteh ii ki niamkhiat na in ki tuak lo hi ci-in a gen ciangin kumpi pa in a kumpi puan teng suah khia in Singlamteh a puak ciang in pai suak zo a, Singlamteh pen ama mun mah ah koih kik hi.
By Sr. Agnes Ciangbawi
#RVATedimChinService#RVA,  #Cross,

Add new comment

1 + 3 =