Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Pope Francis: Holy Land pen Gospel a Ngana
Pope Francis in Franciscan Pasian nasem Holy Land a kem thuvaipuak a nei te tawh Jan 17, 2022 ni-in ki mu uh hi. Pope Francis in nisuahna lam Vatican Media vaipuak neite in Holy Land pen Gospel a ngana ci-in tangthu aa gendingin hanthawn hi.
Mi tampi theihdingin Holy Land tangthu leh gam vai genna pen Nazareth Khua mi Jesu mihing a suahna leh eite in hotkhiatna ih ngahna dingin Pasian kammal a hong tangtunna hi ci-in Jan 17 ni-in Pope Francis in a omna innpi pan in genkhia hi.
Tua mun aa a teng mite, Christian tuamtuamte, Jew leh Muslim te khempeuh in alai nisuahna lam thulehla hamsat kawmkal ah u le nau bangin nuntak theihna dingin hanciam ding ahi hi ci-in gen hi.
Lungdamna Laisiangtho a ngana acih kammal pen Pope Paul VI a ki pan in Pope Benedict XVI ciangdong pope te-in Holy Land (A Siangtho Leitang) ci-in a gen nopna uh ahi hi.
Pope Francis in Pope Benedict gen (Holy Land) A Siangtho Gam a cihna thu pen a hangin tangthu leh gupkhiatna hongpianna mun ci-in na gen hi.
Franciscan siampi ahi Holy Land aa vaipuak a nei Rev. Fr. Francisco Patton in Holy Land sungah Pope Francis a paina khempeuhah tonpih kawikawi hi.
Tua laimun aa om Media leh Magazine nasep septheihna pen Misiangtho Francis Assisi in kum 1217 aa a phuatphiat Holy Land a kem Franciscan pawlte tawh semkhawm uh hi.
Pope Francis in media lam nasep sem aa Syria, Lebanon, Palestine leh Gaza pan hamsa tangpi aa hongpai mihing tangthu a gen mite tungah zong lungdamna thu pulak hi.
Holy Land tangthu na gen simsim un Pasian in a gelh laiding ahi Lungdamna Laisiangtho (Fifth Gospel)
a ngana a gen na hi uh hi ci-in Pope Francis in gen hi.
Add new comment