Pasian' Kammal taktak Biakpiakna sungah om

BIAKPIAKNA AH LAISIANGTHO KAMMAL TE

Biakpiakna ah akizang kammal te in Laisaingtho Kammal te vive ahihi. Laisiangtho Kammal in anungta Pasian'Kammal taktak ahihna thu missa biakpiakna sungah anuntakpih den ihihna thu phawkding athupi mahmah khat ahihi. Laisiangtho simin, nuntakpih cihciangin, akhanlian akhanneu uutteng lotngah in, deihteng lotngatna cihbek hilo in, thungetna ah, lasakna ah, biakna ah phatna ah Topa' kammal ngiat zahtakna taktawh ihzatsiamna ahihi. 

1. Biakpiak kipatna : Pa, Tapa, Khasiangtho mintawh (Mt 28:19)

2. Topa Pasian, note tawh omkhawmta hen (Lk 1:28; 2Thess 3:16; Ruth 2:4)
Lk 1: 28: “Topa Pasian in nangtawh omkhawm hi”. 2Thess 3:16, “Topa Pasian in note tawh omkhawm ta hen”. 

3. Nungzuipite thupha piakna: Pa Pasian hong itna, ih Topa Jesu Christu hong hehpihna leh Kahsiangtho Pasian hong pawlpihna in note tawh omkhawm ta hen (2Cor 13:13).

4. Topa Pasian aw hong hehpihtan (Mt 17:15, 20:31; Late 123:3)
Late 123:3, “Topa Pasian aw, hong hehpih in; Topa aw kote hong hehpih in”. 

5. Van asangbel na ah Pasian minthang ta hen: Lk 2:14, “Van asangbel na ah Pasian minthangta hen. Leitunga thudik lungsim neimite tungah nopna omta hen”. 

6. Alleluia (Mangmuhna 19:1-6; Tobit 13:18)
Mangmuhna 19:1-6, “Alleluia! Hotkhiatna, minthanna, vangliatnate, eite’Pasian aa ahihi. .. Amen... Alleluia... Eite Pasian phat un. Alleluia! Vangliatna khmepeuh tawh akicing eite’Topa Pasian’ ukna tu-in kipanta hi”. 

7. Topa Pasian na lungngai un (Lift up your hearts): Kahla (Tamlawhna) 3:4, “Vantunga om Pasian’tungah i-lungsim le i khutte lamto ni!”.

8. Siangtho, siangtho, siangtho (Mangmuhna 4:8; Is 6:3; Mk 11:9-10; Late 118:26)
Mangmuhna 4:8, “Vanglian Topa Pasian in, Siangtho hi, Siangtho hi, Siangtho hi”. “Hosanna! Topa’min tawh hong paipa in thupha ngahta hen! ... Vansangbel ah Hosanna omta hen!” (Mk 11:9-10).

9. Siangtho Pumpi bawlna kammalte (1Cor 11:23-26; Mt 26:26-28; Mk 14:22-24; Lk 22:17-20)
Mk 14:22-24: Mt 26:26-28, “Jesu in khomun la a, thupha apiakkhit teh, balnen in, “Hihin ka pumpi ahihi. La unla, ne un!...Tuakhitciangin hai zong la a, lungdam akohkhitteh, “Hihin mitampi te mawhmaina dingin akibuakhia thuciamthak kasi ahihi”. “Kei nongphawk na un, hihbangin na bawl un” (Lk 22:19). 

10. Topa honghilh Thungetna (Mt 6:9-13).

11. Topa Pasian kilemna in note tawh omkhawm ta hen (Jn 14:27, 20:19).
Jn 14:27, “Lungnop kilemna note kongpia hi”, “Note tawh kilemna (lungnop kilemna) omta hen (Jn 20:19).

12. Leitung mawhnate hong lakhia Pasian’tuuno, kote hong hehpih tan (Jn 1:29; Mangmuhna 5:6 etc.,).

13. En un! Leitung mawhna te alakhia Pasian’tuuno en un! (Mangmuhna 19:9).

14. Topa aw, ka inn sungah nonglut dingin kakilawm kei hi, na kambek in thu hongpia le cin, kakha in dampah dinghi (Mt 8:8).

15. Lungnuamtak in napai un (Lk 7:50; 2 Chro 35:3).

16. Topa Pasian tungah i-lungdam hi (2 Cor 9:15).

Source
Fr Damian Dal