Monthly Recollection of Priests of Kalay Zone

St. Theresa Biakinn, Tahan ah Kalay Zone aa om Siampi tengin Pasian thu lungngaihna nei

Kalay Zone aa om Siampi tengin kha simin a bawl uh Pasian thu lungngaihna pen tuni (June 11, 2022) ni-in St. Theresa Biakinn, Tahan ah bawl uh hi.

Tua sungah thungetna ngeina teng Rev. Fr. Joseph Lal Vum Thawng in hong makaihin, khikhinna teng Rev. Fr. Francis Thang Za Sing in hong makaih hi.

Pasian kammal tawh kha-an vakna pen Rev. Fr. Joseph Kap Tung Nung (V.F & P.P of St. Theresa’s Church, Tahan) in hong makaih hi. Amah in Lai Siangtho (Thuhilhna 7:15), (III John 1:2) leh (Mt 10:8) na te bulphuhin Pasian nasepna ding hi ta leh ih leitung nuntakna lim lim ah cidamna ii thupitna te hong gen khia hi.

A ma genna sungah leitungah haksatna kituak citin tua hamsatna a tuak te pen (Depression) lungkia na leh (Self encouragement) eilehei tha kipia in thala in hanciam na cih bangin namnih in kikhen ahih manin tua sungah lungkia lo-in thalak zawhna dingin cidamna a kisapna thu leh cidam kei leh Pasian na kisem zolo a hihna thute hong gen hi.

Tua banah a bangci mite a cidam kici hiam cih pen (WHO) te ii genna tungtawnin lungsim cidamna, Pumpi tunga om vante in amau sep ding ciat sepna, pumpi cidamna cihte tawh kisai gen khiatna te hong nei-in Pasian in mikim tungah cidamna pen letsongin a piak ahih manin tua Pasian ii hongpiak letsong pen ih kep siam leh lungnuam takin kum sawtpi Pasian na asem zo sem sem ding ih hi hi cih tawh thukhupna hong nei hi.

Thu zaksakna sungah Rev. Fr. Maximian Pau Sian Mung (Chancellor &PP of SPP) in makha ciangin St. Mary’s Cathedral ah bawl ding, Msgr. John Deng Cin Khup in Pasian thu lungngaihna hongpia ding cih thu leh Pasian thu lungngaihna ah Siampite kimtakin pai theihna dingin Pasian thu lungngaihna hun pen Kha simin nipi (2) na (Saturday) ni ta a hih manin Parish sunga Program om te pen tua hun tawh a kituak lo in bawl ding, Diocese level leh Zone level aa program te pen Parish Level aa nasepna te sangin thupi sak zaw ding cih thu te genkhiatna hong nei hi.

Rev. Fr. Raphael Suang Cin Khup (Procurator) in Siadawpa pen Yangon CBCM meeting June 8,9,10 ni tengin a kah khitteh Zato kilak laiding ahih manin June 15 kim pawlin hong ciah kik thei pan ding cih thu leh Galtai in a cimawh Diocese aa huhna a hong ngen mi (557) huhna ki pia khin in ih Parish sungah galtai a cimawh zawdeuh te huh zawhzah in huhna piak lai ding a kisapna thu hong gen khit ban ah Cardinal Charles Bo ii huhna a hongpiak Buhtang ip (1000) pen Zone khat ah ip (200) ta in hong ki hawm khia ding hi cih thu te zong hong pulak khia hi.

Rev. Fr. Robert Pau Gin Mung in (Rector of Minor Seminary) in Minor Sang kihong ta a hih manin a kisam sum leh paai te kum dang mah bangin Parish Priest te in huhna a piak nangin huhngetna thu pulaak khia hi.

A tawpna ah inntek Siampi pa in tuni pen (တာဟန်း တိုက်ဖြူ)Pa Raymond Mung leh Nu Rita Niang te kiteenna Sacramentu a sanzawh kum (25) cinna Silver Jubilee pawi ahih manin Siampite in amau inn ah Sun-an ne ding cih thu hong tangko khia hi.

Pa Raymond Mung leh Nu Rita Niang te inn ah Msgr. John Khuppu makaihna tawh Siampi (18) in inn thupha piakna nei-in tua khitteh Sun-an nekna tawh tuni hun te nuamtak in kiman siang hi.

Covid- khit Biakinn maan ki tam ten nailo a hih manin a ki puahpha na mun teng ih et theih dingin hong post ing.

Pasiantau mailam teng leh a nung lam teng ki puahpha in hoih mahmah ta hi.

By- Fr. Joseph Zo Mung (Director of OSC & RVA)

Add new comment

1 + 14 =