Missa sunga aki zang van te , ciapteh na lim te leh Siampi te silh puan te ii adeihna te (2)

1. (Cassock) Puantual sau pen a kang leh a vom nam nih om hi. Siampi te puantual hi in Missa sung ahi lo, ki khopna mun tuamtuam te ah zong a silh uh hi. (Dictionary of Liturgy p-86) Jn 19:23-24

2. (Girdle of Cincture) Kawngngak khauhual in Topa Jesu gimana athikalai in gallup ten henna khau phadakna hi. Topa Jesu asatgawp na ding un aphek uh khau zong hong phawksak hi. Tua ban ah Siampi ii siangtho na, alungsim deihna te aki deek na lim lahna hi. Hih khau pen puantual kang (Alb) silh zaw chiang aa, akawng ah angak khau a hi hi. (GIRM no. 336) Jn 18:12

3. (Stole) ngawng a awh puan neu hi. Topa Jesu gimna athuak lai in galkap te in ahencipna khau hong phawk sak hi . Siampi te vangliatna leh a manphatna, aana neihna lahna zong ahi hi. (Lk 22 : 64) GIRM no. 340 (Lk 23:3,Jn 17:22, Rom 9:23-24)

4. (Surplice) Puantual tom hi-in Sacramento pakna hun te, Siangtho Pumpi\ Tonu vak pih nate leh Siangtho Pumpi biakna te ah ki zang hi. (Dictionary of Liturgy p-605) Pai 28:4-5,39:1-31

5. (Cope) A tung pen ah asilh puantual pi hi-in Siangtho Pumpi biakna leh vakpih na te ah Siampi te in atung pen aa asilh uh puantualpi hi. A tung pan anuai dong ki hong suak hi. (Siam 16:32) A khatna in Ak pi-in ano te akha nuai ah koihin lau huaina tuamtuam te pan dal in akep bang in Topa Pasian in leitung mi khem peuh hong it in hong kem hi cih lahaina hi. ( GIRM no. 341) Mt 23:37, Lk 13:34

6. (Humeral Veil) Phungyi te in aliang tung uh ah a khuh dial hi. Siangtho Pumpi biakna hun leh vakpih na hun te ah (Monstrance) Siangtho pumpi koihna alaptoh uh cigna aetna dial(puan) hi.Tua puan tawh Phungyi liangko nih leh akhut te nih khuh in Siangtho pumpi apa Singlamteh tawh thupha pia hi. (Dictionary of Liturgy p- 633) Pai 28:4