Missa Biakpiakna Hunsung Siampite Gamtatna

Missa Biakpiakna Hunsung Siampi te gamtatna te khempeuh pen a khiatna nei vive a hi hi.

Tua bek thamlo in ei thuzui mite in zong Biakinn sung ih lut pan kipan Missa Biakpiakna sunga ih kihelna leh Missa Biakpiakna a man dong in, tutna, dinna, khukditna, khat leh khat mawh kimaisakna lim lahna, ki lu kun na cih bangin ih gamtatna te pen a khiatna nei vive hi-in a thupi mah mah hi. Missa Biakpiakna hunsung Siampi te vanzat te ih gen khit ban ah tu-in a gamtatna te tawm khat hong hawm sawn ung. Mailam ah zong a ban ban in hong ki hawm sawn ding hi. Hih thuthuk te limtakin telcian in ih upna te khangsak ciat ni. Topan note tungah thupha hongpia ta hen! Amen.

- (Monstrance) Siangtho Pumpi koihna Singlamteh pen Ni vang trang bang in avang atang zihziah lim tawh aki bawl hi-in Ni in avang hong tan bang in Siangtho Pumpi thupha in zong hong tan hi cih lahna hi. Kham, ngun te tawh ki bawl a, suangmanpha tawh ki zem sitset hi. (Dictionary of Liturgy p-436)

- (Mingling of water and wine) Tui leh Lenggahzu helena in Calvary mual singlamteh tungah Topa Jesu pangpan sisan leh tui aluangna, Topa Jesu leh ei te ki gawmna, Topa Pasian in apiangsak sa na te sungah aomna,Topa Jesu leh pawlpi kigawmna, Topa Jesu in mihing a hihna te lahna hi. (Order of Mass no.24)

- (Imposition of hand) Khut ngakna in Pasian tungah ngetna leh Khasiangtho Pasian hongkumna lahna hi. (Dictionary of Liturgy p-260\ GIRM no.79)

- (Washing of hand) Khut silna in asingtho nasepna ah amakai mi-in siangthona sungah aom huai na leh Kha tawh kisai mawhna, natna te sawpsiang na lahna hi. (GIRM no.76)

- (Exchange of Peace) Ki lemna kilah na (ki lu kun)na in it na, ki puma khatna leh ki lemna lahaina hi. (GIRM no.82)

- (Breaking of bread) Moh balnen na in kipum khatna leh ki gawmna lahna hi. (1 col 10:17\ GIRM no.83)

- (Mingling of bread and wine) Moh leh Lenggahzu gawmna in Topa Jesu ii si leh sa gawm na lahna hi. (GIRM no.83)

- (Kissing the sacred things) A siangtho mun, van (biakna tau, laisiangtho, ….) te napna in zahtakna, it na, Pasian tawh kigawm ding lunggulhna lahna hi. (GIRM no.49\Dictionary of Liturgy p-25)

- (Ringing the bell) Daak tumna in Missa biakna ii athupi hun tungta ahih man in ih lungsim te kaikhawm in Pasian tawh ih ki gawmna ding hong phawksak na hi. (GIRM no.150)

 

Add new comment

5 + 4 =