Missa Biakpiakna Hunsung aa Gamtatzia te' Deihna

Missa Biakpiakna Hunsung in ei thuzui mite in zong Biakinn sung ih lut pan kipan Missa Biakpiakna sunga ih ki hel na leh Missa Biakpiakna a man dong in, tutna, dinna, khukditna, khat leh khat mawh kimaisakna lim lahna, ki lu kun na cih bangin ih gamtatna te pen a khiatna nei vive hi-in a thupi mah mah hi.Hih gamtatzia te tawh kisai tawm khat hong hawm sawn ung. Mailam ah zong a ban ban in hong ki hawm sawn ding hi.

 

(Standing) - Ding na in zatakna leh manphatna lahna hi. Lungdamna Lai Siangtho aki sim laitakin Topa Jesu zahtak piakna in mipi te ki ding hi. (Dictionary of Liturgy p-512)

(Sitting) - Tut na in Pasian kam mal te sang nading, ngaih nading leh ngai-in zuih nading hong lak hi. (Dictionary of Liturgy p-512)

(Singing) - Music leh lasagna in numana, thupit na leh ki pum khatna te hong lak hi. (GIRM no.86)

(Kneeling) - Khukdin na in Lungsim ki niamkhiat na tawh Pasian vangliatna te sang in zahtak na tawh biak na, ih mawhna te hang in dahna leh kisikikna lah na hi. (Dictionary of Liturgy p- 512)

(Bowing ) - Lu kun na in Pasian kiangah ki sik na tawh kalsuan in, zahtak na tawh biakna a lah na hi. (GIRM no.49)

(Offertory) - Biak ap na in Missa biakpiak na sungah kihelna, ki ap na leh thu zui te khempeuh Siampi nuntakna sungah kihel na hong lak hi. (GIRM no. 79)

(Hand Raised) - Khut laptohna in lungluttak aa ngetna hong lak hi. (Dictionary of Liturgy p- 241)

Add new comment

1 + 3 =