Lungdam Pawi ki ginkholh dan ding Pope Francis genna

Lungdam pawi kiginkholh dan ding

Pope Francis in December 15. 2021 (Sun) ni-in thungen apai mipite kiangah tua ni a Lungdamna Laisiangtho lungngai in thu gen hi.
Tua ni Lungdamna Laisiangtho sungah nungzuipite in amaute’n bang sem leh hoih ding hiam cih a dotna uh thu gen a, eite in zong bang sem ding ka hi hiam ci-in I dot ding kisam hi ci-in gen hi.
Pope in “Nuntakna ah ih sep ding vaipuak te om hi. Khiatna neilo nuntakna hilo hi. Tua in Pasian hong piak letsong hi. Eite in kua ka hi hiam cih I thei ding a, tua khit ciangin nuntakna ii ngimna te a tangtun nading in I hanciam ding ahi hi” ci-in lungdam pawi bawl ding lampi kip zongin kiging nading thu thuzuite kiangah gen hi.
“Lungnem in amah bek aom mi kiangah Phone tawh hopih in tha ki pia thei hi. Uhamte leh damlo te kiangah hawhna, mizawngte leh huhna a kisamte ading hun pia-in na sep sakna te ki sem zo hi. Khat leh khat ki et khialhna te pan ki lem kikna, ih mawhna hong maisak na dingin ei lam pan thumzawhna, ei lam pan maisak ding a om leh mawhmaina piakna, leibat te loh siangna, ahih kei leh Pasian hun pia zolo in thunget ding aphawk lo bangin sawt veipi na om khak leh Pasian hehpihna ang sung zuan kik cih bangin lungdam pawi ading in ki ginkholhna ki bawl thei hi” ci-in Pope in gen hi.

Add new comment

7 + 1 =