Kiciamna Bawl - Oath Taking (17.3.2022)

Catholic Major Seminary, Institute of Theology Sangah Tangval Siangtho (Brother) te lai hilh ding kiciam

Yangon aa om St. Joseph ‘s Catholic Major Seminary, Institute of Theology Sangah Tangval Siangtho (Brother) te lai hilh ding a hi Rev. Fr. John Pau Sian Thang (Professor of Moral Theology) leh Rev. Fr. Paulinus Thang Muan Lian (Professor of Church History) te in kum simin Sang hon ciang Professor teng in, Sanguk Pipa (Major Rector) pa leh Sang Nangpang(Brother) te mai ah Missa Biakpiakna hun sungin kiciamna a bawl den uh pen tu kum in Yangon ah bawl theilo uh a hih manun, March 17, ni-in Kalay Diocese Pastoral Centre aa om Siadawpa ii Chapel sung, Siadawpa ii mai-ah kiciamna bawl uh hi.

Hih kiciamna bawlna ah a sim ding laite a kigelhsa hi-in a tom in genleng, “Topa Jesu in Pawlpi tung tawn aa honghilh thuman thutak te bek hilh ning ci-in kong kiciam hi. Tua a hih manin hih ka khut tawh ka lawn na kammal tawh hong huhin Topa aw” ci-in Lai Siangtho bu tungah a khut uh nga in kiciamna bawl uh hi. Tua khitteh Siadawpa tawh Laisutna (Sign) nei uh hi.

Topa Jesu hun pan kipan Pope masa a hi Peter leh Nungzuipi te khempeuh tawh ki zom paisuak in tuni dongin Catholic Pawlpi sungah Pasian thuman thutak ih theihna a bulpi en leng Siampi sinna sangte khempeuh ah laihilh (Professor) te in Lai Siangtho len kawmin thuman thutak bek ka hilh ding hi hong huh in Topa aw ci-in kiciamna a bawl khituh ciangin Khasiangtho lamlahna tawh Lai hilhna nei pan a hih manun tuni dongin Pawlpi sungah thuman thutak a kihilh paisuak den hi cih thu hong phawk sak nuam ing.

Add new comment

1 + 8 =