Khi thungetna tawh galte zawh zawhna leh October kha pen Khi thungetna kha ih cihna thu

Khi thungetna kha

1571 kum pankipan, October kha pen Khi thungetna kha in ki ciamteh in ki bawl hi. Catholic Pawlpi ii phualpi ahi, Italy gam uk dingin ahanciam Ottoman Empire pen Catholic Pawlpi in azawh kum ahi 1571 kum, October (7) ni phawkna in October kha ni (7) ni pen Khi thungetna Kumpinu pawi in ciamteh in aki bawl ahi hi.
Pope Pius V na in gal kidona ah akuan dingin Tembaw tung atuang Catholic pawlpi ii galhangte khat ciatin Khi thungetna apuak kim nadingin vaikha in Pope pankipan avekpi un Khi thungetna tawh Tonu tungah huhna ngen uh hi.
Catholic thuzuite in huhna anget sialin cikmah hunin anial ngeilo Tonu ii thunget sakna a up mah bangin amaute’ sangin tampi takin athalian zaw galte a zawh uh ciangin gualzawhna dialte lamto in Tonu ii huhna, panpihna te pahtawi uh hi. Tua gualzawhna ii teci dingin Pope in “gualzawhna Tonu” ci-in min phatna pia in pawi bawl uh hi.
1884 kumin Pope Leo in October kha pen Khi thungetna kha in w&m;0if in tangko hi. Tu hunin ahih leh nidanglai bangin khuasung te ah Khi thungetna tawh kigualin Tonu pahtawina pen gam pawlkhat te ah mang pian ta hi. Tu laitak a ih tuak lauhuainate (gal) leh khuahun siatna te pan Tonu ii huhna ih ngah nadingin a vanglian Khi thungetna len kawmin nisim in thungenin tua lauhuaina te khempeuh do ciatni.

Add new comment

8 + 1 =