Khi thungetna koi ci bangin ngen ding.

Khi thungetna nget dan ding

Khi thungetna koi ci bangin ngen ding
1. Khi thungetna ngen pahpah in.
Na lunglut hun ciang bek hilo in na hih theih zahin Khi na khin zawh na ding hanciam in. Tua hi kei leh Khi khinna nakisek ding haksa ding hi.
2. Khi khin denin.
Na khi khin hun ding ciangtan in. Gentehna: Zingsang na thawh hun, nitak lup kuan, Mawtaw hawl madeuh, Na lampai kawm, Missa kipatma, Missa man ciang.
3. Ngimna nei-in
Khi na khin sialin ngimna nei den in. Midang khat peuhpeuh ading, (or) a kician kisapna khat ading.
4. Nang kia in khin in
Khatkia in Khi khin theih nading hanciam in. Pawlpi in zong Indulgence ngah theihna ahi khat kia Khi khin ding ong hanthawn hi.
5. Midangte tawh kipawlin khin in
Khi khin ciangin khat kia in khin theih ding akisap mah bangin, mi tawh kipawl in khin theih ding zong kisam hi. Kipawl in biakinn sungah ahi zongin biakinn pua ah ahi zongin Khi khin na tawh Indulgence ki ngah thei ahih manin Pawlpi in zong kipawl a Khi khin na ding ong hanthawn hi.
6. Thuthuk te lungngai in Khi khin in
Topa Jesu ii nuntakzia thuthuk te ngaihsutna in Khi khin na hong kicing sak hi. “Pumpi leh Kha kigawm den ding thupi hi” ci-in Pope Paul VI leh St. Louis de Montfort te in Ave Maria thungetna leh thuthuk te ii ki zopna hong lak uh hi.
7. Laisiangtho kammal te simin Khi khin in
Khat veivei ciangin Laisiangtho kammal te simin Khi khin in. Nidang lai thuzuite in zong tua bangin Khi na khin uh hi. Laisiangtho lui leh Laisiangtho thak sunga kammal te teel in ki sim thei hi.
8. Lunglut takin khin in
Khi na khin laitakin thalawp takin khin in. Lungsim a palang loh na dingin khi tangte tungah na lungsim koihin ki en thei hi. Khi khin sial in Pasian mai ah a tung ih hihna ei leh ei ki thei sakin ih lungsim ih kem ding hi.

Add new comment

1 + 17 =