Kalay Zone Siampite Pasianthu Lungngaihna (Oct 8, 2022)

Kalay Zone aa om Siampite Pasianthu Lungngaihna pen Divine Mercy Parish

Khasim in a kibawl Kalay Zone aa om Siampite Pasianthu Lungngaihna pen Divine Mercy Parish, nidangin Sanmyo Qtr., kici-in tu-in Taungzalat Qtr., a kici na mun ah noptakin kibawl hi.

Tua sungah Pasian Kammal tawh Kha-an vakna pen Divine Mercy Parish Priest Rev. Fr. Francis Pasi in hong nei hi.

A mah in ALianbel Siampipa Pope Francis ii laigelh (The Shepherd must smell the smell like the sheep) Tuucingte in Tuute mah bangin Tuu ngim nam ding cih bulphuhin Tuucingte leh Tuu te kizopzia (Pastoral Charity) tawh kisai hilhcianna hong nei hi.

A mah in ei kiangah Tuu ki tamtel lo ahih manin a neu lai-in Bawng a cin ngeina thu tawh gentehna hong gen in tua sungah bangci hiam cih leh "Bawng ka cin ciangin kasilh den Bawngek ngim a nam phitphiat puan ka silh ciang bek in ka Bawngte in kei hong telcian in hong ngai pha diak hi. A hi zongin puanthak silhin Bawngte lakah ka pai ciangin ka Bawngte in kei hong tel nawnlo in hong neh ngam lo hi. Tua mah bangin ei Siampite in zong thuzuite tawh om khawmin amaute ngim nam mah bangin ih nam phitphiat ciang bekin thuzuite in hong nehngam pan ding hi. Tua bangin ih ki pawl theih hun ciangbek in (pastoral charity) thuzuite aa dingin limtak in na kisem thei pan ding hi" ci-in kingiamkhiatna ii thupitna hong gen hi.

Tua banah Siampite vanzat Stole leh Chasuble te a kizat zia tawh kisai in power leh authority zatzia ding te ama ii muh dan teng gen khiatna hong nei hi.

Tua khitteh thungetna, mawhsutna, thuzaksakna cih te a ngeina mah bangin ki nei hi. A tawpna ah tuni pen Fr. Francis i Birthday ni a hih manin sun an nekna hunin Siampite in a mah nohsetna lasa in ama piak khiat sun an nekna tawh hun te nuak takin ki man siang hi.

Divine Mercy Biakinn pen a ki lam thak hi-in hih a man sunga mah bangin a tung lam sep ding tampi om lai hi. Tu laitak pen Biakinn nuai a ki zang phot ahi hi. Biakinn a manlangin lam siang zawh nang huhna tampi ih piak ding kisam lai hi cih thu zong kong zasak uh hi.

Add new comment

1 + 1 =