Innkuan khat in vangliatna khat angahna thu Pope Francis in kipsak

Daniel leh Michelle Schachle te nupa in amaute’ (13) na ding tano angak laitak un lamet loh thu khat za uh hi. Tua thu in amaute ngak nauno in lungsim khantohna zekaai ahi ‘Down’ natna lim lakin, si zong si thei hi cih thu ahi hi. Tua ahih manin tua nauno asuksiat nading un Siavuante in gen uh hi.
Ahi zongin Daniel te nupa in bang bang ahi zongin ahi theizahin tua naupang suak dingin Siavuante gen uh hi. Siavuante gen thu in sanzawh ding hi phial mah leh amau nupa adingin hehsuak huai thu khat ahi hi. NulePa te in ata uh bang bang ahi zongin akhoi ding uh hi a, bang hangin suksiatna ah kihel zo ding hiam? Tua bang teng tawh amau nupa in Fr. Michael McGivney kiangah tua apaai naungek nuntak nading thu anget sak nadingin huhna ngen uh hi.
Tua khit ciangin anupa un lungsim tawldamna angah na dingun Europe ah khualzin in Vatican, Tonu Biakinn ah hawh uh hi. Ahi zongin amaute nauno sih nading zahdong lauhuaina om lo hi. Tua pan aciah kik khit uh a sawt lo-in nausuak a, Mikey cih min pia uh hi. Bang hangin tua min pia uh hiam cih leh Fr. Michael McGivney in amaute ta honkhia hi cih um uh ahih man ahi hi. Fr. Michael in Blessed asuah nadingin ama ii thunget sakna tawh vangliatna khat a kisam ahi hi.
Fr. Michael McGivney in tua vangliatna bek ahi lo, a dang vangliatna zong tampi apiakna thu, amaute’ ta ading thunget sakna bek hi lo-in amah bangin Siampi tampitak leitung ah akisapna thu apulakna zong ahi hi.
Abeisa kum 2020 kum, May kha in Pope Francis in Fr. McGivney ii thunget sakna hangin Mikey tung apiang vangliatna tangko khia hi.
Mikey ii NulePa in amaute ii atuak uh haksatna tungpan hong piaknop thu in bangbang hun, bangbang haksatna tawh kituak mah zongin Pasian tungah upna leh muanna neih den nading leh innkuan in amanpha letsongte sangin athupi zaw letsong hi ci hi.
Mite muhna ah Mikey ii NulePa te in ta (13) tak vak zo lo ding uh hi. Ahi zongin NulePa in amaute khempeuh um hi. Mihing thatang bek tawh hi leh hi zo lo kha ding hi. Ahi zongin Pasian tha tawh hi leh apiang zo-lo cih na omlo hi. Pasian up ding leh muan ding kisam hi. Pasian tawh kinai ding kisam hi. Mikey Schachle kum (6) aphak ciangin ama tung apiang vangliatna te midangte tungah hawmkhia zo hi. Hih vangliatna in apiang takpi thu ahi hi.

Add new comment

14 + 0 =