Diocesan Bishop (Bishop of Mawlamyine) Cih Vaipuak Piakna (11.6.2023)

Mawlamyine Diocese acing akem dingin Bishop Maurice Nyunt Wai tungah a lianbel Siampipa Pope Francis in Diocesan Bishop (Bishop of Mawlamyine) cih vaipuak a piakna pen tuni-in Mawlamyine Myo ah nopci takin kibawl hi.

       Bishop Maurice Nyunt Wai pen Mawlamyine Diocese acing akem Bishop Saw Polay in a kum tamna hang tawh tawlngak theih na ding phalna ngah a hih manin Coadjutor Bishop of Mawlamyine ci-in Mawlamyine Diocese sunga Siadaw pa i (administration) tawh kisai nasepna te a huh ding leh amah a khawl khit ciangin ama munah nasem ding cih ngimna tawh April 24, 2022 kumin Siampilian (Siadaw) suahna za a kipia ahi hi.

      Tuni-in Bishop of Mawlamyine Diocese 

ci-in Mawlamyine Diocese acing akem dingin tavuan Vaipuak piakna ki nei hi.

       A mah pen (23.01.1962) kumin a Nu gilsung pan a suak khia hi-in tu-in kum (61) pha-in Siampi a suah zawh kum (34) cingta hi.

        A mah in Pasian deihna tawh kituakin Mawlamyine Diocese a makaih zawh nangin thu ngetsak ciat ni.

            By Fr. Joseph Zo Mung