Confirmation at Saizang (5.4.2022)

 

Khamtung gam ah Catholic Pawlpi a tun masak na leh Piantit (MEP) Siampite a om ngeina khua te lak ah Saizang Khua zong kihel a hih manin Saizang Khua ah pen thuzui mite khangto mah mah in upna zong picing thei mah mah uh hi. Inntek Siampipa Rev. Fr. John Zo Khan Mung ii pattah siam na tawh zingsang sim in Missa Biakpiakna hun ah a ki khawm zong tam mah mah in nitak sim in zong Biakinn ah khikhin na (Zo pau, Kawl pau leh Mau pau) tawh nei khawm den in Biakinn dim in kikhawm den uh hi. Tua a kikhawm te sung ah Khangno nungak tangval tam thei mah mah a hih man un thangah huai phadiak hi. Christma Hanthotna a sang naupangtd zong Saizang khua bek bek pan in mi (115) pha a hih manun man kilak ciangin khen nih in ki khen hi. Khangno Pasian thu um a tamna pen thupi phadiak hi. Khangno lai mah panin Pasian thu hahkat ding kisam pha mah mah hi. Missa Biakpiakna hun sungin Khangnote in aw kim tawh la sa ziahziah in siam thei mah mah a hih manun Pawi lah hilo lasiam thei si e ka cih leh a (Parish Priest ) inntek Siampipa in nitak sim khikhin khit ciangin labu sungaa late sin den uh a hih manin a siam hi ci-in hong dawng kik hi. Tu laitak pen ih gamsung buaina, hunsiatna hang tawh Parish tuam tuam te ah ih lasak te pen nidang zah in zaknop lua nawnlo hi mah ta leh a hun lem kalkal in ih lasiam na te Pasian minphatna in ih zat zawh nangin a diak diak in Khangno ten hanciam ni.

Add new comment

4 + 10 =