Catholic Thuzui khat aa ding a Manpha mahmah

Catholic Thuzui khat aa ding a Manpha mahmah

****************

Topa Jesu sihna pan a thawhkikna pawi pen (Easter = Pascha = Resurrection Day) ci-in min tuamtuam in kigen/gelh hi. Jesu a um mikhat aa dingin a thupi mahmah pawipi khat ahi hi.

Hih pawi thupi hun sungin bangteng ki bawl hiam.

1. Hih pawipi bawlna dingin ni 40 leh zan 40 sung kigin kholhna kinei aa tuapen (LENT) Vuahun ki ci-in, pumpi ki deekna hun hi.  

2. Alleluia or Hallelujah leh Gloria;  

Hih Vuahun sungin Alleluia or Hallelujah leh Gloria cihte ki cilo hi. Hih pen minphatna leh pahtawina piakna ahi hi. 

Palm Sunday cihpen Singhiang Siangtho pawi hi aa, Singhiang tawi kawmin Biakinn sung ki lut hi. Jesu a ki muakna phawkna hi.

3. Maundy Thursday or Holy Thursday;

Siangtho Nili Ni kici aa hih ni-in Jesu leh a nunzuiten nitak nekkhop pawi na bawl uh hi. Jesu in a Nungzuite khe a silsak mah bangin Siampi Pa in zong Thuzui khempeuhte taangin a ki teelkhia mi 12 te khe a silsakna ni ahi hi.

3. Chrism Mass;

Hih pen Siampite in kumkhat sungin a zat dinguh ahi Sathau Siangtho a ki bawlni hi. Hihni mahin Siampite in Siampi a suah ni uh aa Pasian mai leh mipite mai-ah Pasian nasem dingin a kiciam uh pen kumkhatin khatveita a ki ciam kikni uh zong ahi hi. (Nb: Maundy Thursday ni-in a ki bawl hi aa, tuani a hih theih kei leh a kinai penpen a lem ni khatin ki bawl hi.)

4. Good Friday; 

Kici Jesu gimthuakna leh a Sihna ni phawkna hi aa, Singlamteh lamzuihna, Jesu Singlamteh zahtaak piakna leh Siampi Pa in Singlamteh tawh thuzuite thupha piakna nei hi.

5. Easter Vigil; 

Thawhkik pawini hong tunma in Easter Vigil kici aa, a hun lem na tawh kizui in hih Vigil pen zan aa kibawl hipha deuh hi.

* Easter Vigil:

Easter Vigil ni zan in Pascha Khuaimei Siampi Pa in thupha piakna nei hi.

* Renewal of Baptismal Vows; 

Catholic thuzui khat suah theihna a hi ki Tuisawpna Sacramentu i san lai aa kiciamna pen kumkhatin khatvei kiciam pha kikkik hi.

* Pascha Holy Water:

Pascha Tuisiangtho pen Siampi Pa in mipite mai-ah a bawlna leh mipite tungah thehna hi.

Easter Vigil pan in Alleluia or Hallelujah leh Gloria cihte ki cikik ta hi, Vuahun beita lungdam kipaakin phatna leh pahtawina ki bawl theita cihna ahi hi.

6. Easter = Pascha = Resurrection Sunday:

Hih ni pen Jesu Sihna pan a Thawhkik Ni hi aa, Jesu Sihna pan a Thawhkikna hangin Christian upna hongpiang ahi hi. Hih ni-in thupi thei penpen in Biakpiahna kibawl hi. Eite in zong nikhat ni ciangin i leitung nuntakna nusia in a thokik Jesu tawh a tawntungin mangkhawm ding cih i upna leh i ngak lam-etna ahi hi. 

A Thokik Topan thupha hongpia kim ciat-ta hen. A kicing lote nongna behlap in a valdeuh a on leh na hemkhia mai vo. 

Lungdam

HAPPY EASTER TO ALL

From, RVA pan

 Mr. Anthony Piang