Asisa kha te phawkna ni ah Indulgence ngah theih nading lampi

Covid natna in tu ni ciang, mitampi susia in om lai hi. Tua ban ah November kha in Nu Catholic pawlpi adingin hongnusiasa te kha ading, thungetsak na kha hi-a, hih November kha in thupitna nei phadiak ding hi.
November kha ni (2) ni-in, a sisate kha ading thungetsakna ni ahih manin mipi tawh hanah pai-in thu ih ngetsak zel hi. Tua bang apai na in asi sa te kha ading bek hi lo-in, ahing lai te kha lam thupha ngahna khat zong ahi hi. Tua thupha in “Indulgence”ki-ci hi. Ei pau in ci leng, mawhna dan pan suahtaksakna ki ci thei hi. Indulgen nam nih om hi. A kicing Indulgence leh a kicing lo Indulgente ahi hi. November kha aa ih ngah Indulgence in a kicing Indulgence hi a, November kha kipat nipi kal sungin ki ngah thei hi.
Tua in hehpihna lah nading athupi mahmah hun hi a, Nu Catholic Pawlpi in ama Nu it na hong lah na zong hi. Bang hang hiam cih leh mawhna ii leibat te leh mawhna hang aa, apiang lai ding hoihlohna te khempeuh mai sak hi.
Indulgence ngah theih nading tawh kisai-in, Nu Catholic Pawlpi in ahawmkhiat thu te in,..
Kum tam khin uham te, a dam lo te, inn ngak koih loh apha mawh te in, han ah apai zawh loh uh hangin lunglut takin thungetna tawh asisa kha te ading thungetsak na tawh Indulgence ngah thei hi. Tua bangin han apai zo lo te in hih anuai a bangin Indulgence la thei hi. Tua te in
1. Mawh sut na
2. Siangtho Pumpi sang na
3. Alian bel Siampipa ngimna te a tangtun nading thungetsak na cih te hi. Hih nam thum te bawl na ding Biak inn ah alem kei leh Topa Jesu lim, Tonu Maria lim mai ah ki bawl thei hi.