All SOULS DAY at the Catholic Cemetary of Kalaymyo.

Misite kha ading thungetsakna

Zanni zingsang nai (6:30) hun-in Kawlpi hanah Siadawpa Makaihna tawh Missa Biakpiakna kibawlin Siampite (14) Deacon (3) leh thuzui mi (200) kim kikhawm uh hi.
Zingsang khuavak tung panin a ki pai himah ta leh thuzui mite pen upmawhna sangin hong tamzaw a hih manin lungdam huai mahmah hi.
Zingsang pan ki panin han ah ki pai ziah ziah in nitak dongin thungen mi tampi om a hih manin thuzui mite hanciamna pen thupi mah mah sa ing.
Kumsim in Dai hah ci-in han ki puah in November ni nih nita in Misite kha aa ding thungetsak na ih bawl pen thuzui mi tampi in kam tawh ih pulaak khiat loh hang, ih upna te gamtatna tawh lakkhia ih hih manin tu in Buddhist te leh Christian dangte in zong hong theihpih in hong etteh uh a hih manin upna thu sungah khan lawhna tampi ih kiim ih pamah kimu thei hi.
Tua khanlawhna tampi te sung pan tuni aa ih muh pak khat gen leng Catholic te Han a hilo a dang han te zong tu-in na ki puah sitsetin lungkim huai mah mah ta hi. Misite ki vuina mun pen a siangtho mun ih suahsak ding a thupitna thu kitel semsem ta hi. Hi bangin khanlawhna te ih et ciangin tu-in ih Christian nuntakna ah ih nuntak hunsung bek in a ki-it Christian te hi nawnlo in ih Sih khit bek thamlo in a tawntungin a ki-it Christian te ih hihna pen hong ki langsak sem sem hi.
Mailam hunte ah zong hi bangin gamtat hoih na tawh a picing Christian ih hihna te ih lah den zawh nang hanciam ciat ni. Ih Biak Topa Pasian in mimal khat kim ciat tungah thupha hongpia ta hen! Amen.

Add new comment

3 + 0 =