Catholic Nisim Lai Singtho Jn. 17:20-26. May 28,2020

Lungdamna Lai Siangtho Jn. 17:20-26. 20. Ken a man takpi kong genin ah, note dahin na kap ding uh hi. Ahi zongin leitung ahih leh, a lungdam ding hi. Note na dah uh hangin, note’ dahna nuamna a suak ding hi.
21. Numei khat in ta a suah hun a tun ciangin nakpitakin natna a thuak hi. Bang hang hiam cih leh ta suah hun a tung hi. Ahi zongin ta a suah khit ciangin ama gentheihnate a phawk nawn kei hi. Bang hang hiam cih leh leitung ah mi khat suak ahih manin a lungdam hi.
22. Tua mah bangin note zong tu laitakin na dah uh hi. Ahi zongin keimah in note kong muh kik ciangin, note na lung uh a nuam ding hi. Note’ nuamna kuamah in note’ kiang pan hong lakkhiat sak zo lo ding hi.
23. Tua ni ciangin kei, bangmah nong ngen nawn kei ding uh hi. Ken a man takpi kong genin ah, note in keima min tawh Pa’ kiangah na nget peuhpeuh uh hong pia ding hi.
24. Tu dongin ka min suangin bangmah na ngen ngei nai kei uh hi. A kicing lungdamna na ngahna dingun ngen un, na ngah ding uh hi.
25. “Hih thute gentehna tawh kong gen khin zo hi. Gentehna tawh gen loin, note’ kiangah kiciantaka Pa’ thu kong genna ding hun hong tung ta hi.
26. Tua ni ciangin note in ka min suangin thu na ngen ding uh hi; note’ aading Pa’ kiangah kong ngetsak ding hi, note’ kiangah kong ci kei hi.

Ken a man takpi kong genin ah, note dahin na kap ding uh hi. Ahi zongin leitung ahih leh, a lungdam ding hi. Note na dah uh hangin, note’ dahna nuamna a suak ding hi.
Hih Topa' lungdam na lai siangtho a hi hi.

Christu Topa aw na tung ah phat na om ta hen!
#KalayDiocese, #RVATedimchinservice, #RVA, #DailyBible, #Gospel,