"Ka kivui ni aadinga amah in hih bangin a bawl theihna dingin a lei ahi hi"

Catholic Nisim Lai Siangtho, Zehtan Hun Sungah Nipi Kaal (5) Na, (MON). April 6, 2020

Lungdamna Lai Siangtho, John 12: 1-11

1. Paisan pawi bawlna ding ni guk a sap ni-in a sisa a thawhkiksak Lazarus’ teenna Bethany khua ah Jesu a pai hi.

2. Amaute in nitak an vak uh a, Martha in an pia-in, Lazarus ahih leh Jesu tawh ankuang a umkhawmte’ lakah khat ahi hi.

3. Mary in tampi a man nard sathau namtui citak thawl khat hong kenga, Jesu’ khe nuhin a sam tawh a nulsak hi. Tua sathau namtui in inn sung khempeuh a zel khin hi.

4. Ahi zongin (A nungzuipite’ lakah khat ahi Jesu a lehhek ding’ pa) Judas Iscarioto in,

5. “Bang hangin hih sathau namtui sum denarii za thum tawh zuakin mizawngte pia lo ahi hiam?” a ci hi.

6. (Amah in mizawngte a khualna tawh a cih hi loin amah guta ahih man ahi hi; amah in sum-ip kempa, tua sunga kikoihte ama aadingin a sawkzelzel pa ahi hi.)

7. Jesu in, “Ama deih bangin gamtasak un, ka kivui ni aadinga amah in hih bangin a bawl theihna dingin a lei ahi hi.

8. Mizawngte in note tawh a omkhawm den ahi uh hi. Kei ka hih leh, note tawh a omkhawm tawntung ding ka hi kei hi,” a ci hi.

9. Tua lai-ah Jesu a om lam Jew mite in a theih uh ciangin, amaute in Jesu a en ding bek hi loin, a sisa a thawhkiksak Lazarus zong mu-nuamin a en dingin hong pai uh hi.

10. Tua ahih manin siampi makaite in Lazarus zong thah dingin a vaihawm uh hi.

11. Bang hang hiam cih leh, Jew mi tampite in Lazarus hangin amau kiang pan paikhia uh a, Jesu a um uh hi.

Hih in Topa' Lungdamna Lai Siangtho ahi hi.