"Note’ zat tehna tawh note’ aading hong kitehsakin hong kipia kik ding hi,”

Catholic Nisim Lai Siangtho, Zehtan Hun Sungah Nipi Kaal (2) Na, (MON). March 9, 2020

Lungdamna Lai Siangtho, (Luke 6: 36-38)

36 Na pa un hong hehpih mah bangin note in zong hehpihna na nei un.

37 “Midangte thu na khen kei un, tua bang hi leh note in zong thukhenna na thuak kei ding uh hi. Midangte na mawhsak kei un, note zong hong kimawhsak lo ding hi. Midangte’ mawhna na maisak un, note’ mawhna zong hong kimaisak ding hi.

38 Pia un, note zong hong kipia ding hi. Note’ tehna sangin a henhen, a tahtah, a dim letin na ang sung uh ah hong kipia ding hi; bang hang hiam cih leh, note’ zat tehna tawh note’ aading hong kitehsakin hong kipia kik ding hi,” a ci hi.

Hih in Topa' Lungdamna Lai Siangtho a hi hi.