“Mi khatpeuh in ka nung hong zuih nop leh amah le amah kinial dinga nisimin ama singlamteh pua-in ka nung hong zui ta hen."

Daily Homily by Cate. Joseph Hau Kap (27.2.2020)

Lungdamna Lai Siangtho
Luke 9: 22-25

22. “Mihing’ Tapa in gimna lianpi thuak dinga, upate, siampi makaite le lai siangtho siamte in amah nialin, that ding uh a, a ni thum ni-in a thokik ding hi,” a ci hi.

23. Tua khit ciangin amah in, “Mi khatpeuh in ka nung hong zuih nop leh amah le amah kinial dinga nisimin ama singlamteh pua-in ka nung hong zui ta hen.

24. Bang hang hiam cih leh, a nuntakna a gum nuamte in a nuntakna a tan ding uh hi. Kei hanga a nuntakna a suplawhte in nuntakna a ngah ding uh hi.

25. Mi khatpeuh in leitung buppi a uk hangin, ama kha mansuah leh, bang phattuamna ngah ding ahi hiam?

Hih in Topa' Lungdamna Lai Siangtho ahi hi.