Monthly Recollection of Priests of Kalay Zone (14.9.2024)

Kalay Zone aa om Siampite Khasim Pasian thu lungngaihna pen Sep 14 ni-in Siadawhuang ah ki bawl hi.
         Pasianthu lungngaihna sungah Zingsang thungetna Fr. Robert Hau in makaih in Office Reading pen Fr. Paulinus Muan Lian in hong makaih hi.
          Tua khitteh Fr. Nicholas Kampi in Pasian kammal tawh kha-an vakna hong nei hi. 
           Amah in mihing te lungtang sungah Pasian itna leh thumaan thutak zonnopna nam (3) om den a hih na thu leh thumaan thutak ih zuih sialsial in Pasian a lungdam den a hihna thu te gentehna tuamtuam tawh genkhiatna nei hi.
          Tua khitteh Pasianthu lungngaihna leh Mawhsutna hun ki nei hi. Khi thungetna pen Fr. Joseph Zo Mung in hong makaih in a tawpna ah sun hun thungetna pen Fr. Francis Pasi in makaih hi.
          Hun man ciangin thu zaksakna tuamtuam om in tua te sung pan mipi te aa ding a lungdam huai thu khat (KMSS-Kalay Director) Fr. Andrew Go Nang in hong gen khia hi.
           Amah in tu laitakin (Humanitarian Aids) cimawh huhna tawh kisai in Diocese sungah tampi tak kisem ahih na thu leh nung kaal sung bekbek in zong Pawl tuamtuam deidanna omlo in Siadaw huang pan mimal (20000) tulsawmnih val huhna kipia a hihna thu te zong hong gen khia hi.
        Siadawpa pen Tamu ah Confirmation pia dingin pai ahih manin hong kihel thei lo hi. Tua lo Siampi teng pen cidam takin kihel thei kim uh a hih manin ih biak Topa Pasian tungah lungdam hi.