Mark 4: 35-41 na bulphuhin Kha-an vakna: Cate. Joseph Hau Kap

Kha-an vakna: Cate. Joseph Hau Kap tungpan, Catholic Nisim lai Siangtho Hun Nautaang Nipi Kaal (3) Na (SAT). February 1, 2020 Lungdamna Lai Siangtho;Mark 4: 35-41 35. Tua ni, nitak lam ciangin Jesu in a nungzuite’ kiangah, “Galkhat lam ah pai ni,” a ci hi. 36. Amaute in mihonpite nusia-in paikhia uh a, gunkuang sunga a na om khin Topa tawh tuang khawmin a pai uh hi. Gunkuang dangte tawh zong amaute a tonkhawm uh hi. 37. Huihpi nakpi-in hong nunga, tuihualte in gunkuang vat a, gunkuang sungah tui a dim dektak hi. 38. Ahi zongin Jesu gunkuang nunglam-a kingapna tungah ihmu-in a om hi. A nungzuite in amah phong uh a, “Sia aw, kote ka siat ding uh phamawh sa lo na hi hiam?” a ci uh hi. 39. Jesu tho-in huihpi le tuihualte taai a, tuipi’ kiangah “Dai in! ” a ci hi. Tua ciangin huihpi khawl a, tuihual a dai pah hi. 40. Jesu in amaute’ kiangah, “Bang hangin note lau na hi uh hiam? Upna nei lo na hi uh hiam?” a ci hi. 41. Amaute lau lua mahmah uh a, “Hih mipa kua ahi hiam? Huihpi le tuihualte nangawn in a thu a mang uh hi!” a kici uh hi. Hih in Topa' Lungdamna Lai Siangtho ahi hi. #rvatedimchinservice, #kalaydiocese, #zomicatholiconline, #Reflection,