Meeting on CBCM Strategic Master Operation Plan at Kalay (10-11.8.2024)

CBCM vaihawmna tawh Yangon a om National Socio-Pastoral Strategic Plan Steering Committee te sung pan Dr. Richard WIN TUN KYI leh Mr. James NGU HRE te Kalay Myo ah hong pai-in August 11 leh 12 ni te ah Hakha Diocese leh Kalay Diocese aa om Siadaw te leh Siampi te tung ah Tintan piakna leh thu kikup pihna hong nei hi.
               Hih tintan pen tu nung June 26-28, 2024 sungin Kawlgambup aa om Diocese tek pan tangmi khat ta Yangon ah pai-in a ki bawl Master Operation Plan te Diocese kim ah limtak in a ki zuih nadingin hilhcianna ahi hi.
            Hih tintan leh meeting ah Kawlgambup National Level in National Socio-Pastoral Strategic Plan Steering Committee a ki bawl mah bangin Diocese Level in zong Strategic Plan Streering Committee ki teelkhia hi.
               Kawlgambup Siadawte kipawlna CBCM gelna in 1. Health 2. Education 3. Migration 4. Humanitarian 5. Safeguarding leh 6. Faith Formation cih nam (6) pen Diocese kimah CBCM pan vaihawmna tawh ki zui-in mipite phattuam na dingin sem ding ci-in a ki hanciam ahi hi. 
             Hih meeting or Tintan sunga gelna a om mah bangin ei Kalay Diocese in ih sepkhiat zawh nangin thu ngetna tawh ma pang khawm ciat ni.