Monthly Recollection of Priests of Kalay Zone (10.8.2024)

Tu kha sung Kalay Zone aa om Siampite Pasian thu lungngaihna pen Rev. Fr. Robert Kam Khaw Hau in hong makaih in Siadaw huang ah zanni-in ki bawl hi.
        Amah in Thuhilhkikna (7:9) "TOPA na Pasian uh Pasian taktak hi a, amah it-in a thupiakte a zuite’ tungah amah muanhuai-in ama itna le a thuciamna khang tul khat dongin lencip hi" cih Pasian kammal bulphuhin cihtakna tawh kisai thangah takin hong gen ziahziah hi.
        Amah in Saul leh David tangthu tungtawnin zong zuihding thuhoih tampi agen banah a diakdiak in Siampite aa dingin  Thungetna leh Pasian maiah ih kamciamna te ah citak ding cih thu hong gen hi. 
          Tua banah Pasian hongpiak talent te tungah a zahkhat a met ih piak kik zawh leh bek Pasianin a citak nasem pa hong ci pan ding hi. 
      A zian bek tawh ih nuntak khak leh Pasian in thu khenni ciangin a citak nasempa hongci lo ding hi.
       Tua a hih manin ih neih Talents te metbawlin a citak nasem ih hih zawh nang hanciamin ci-in tha piakna nei hi.