Society of St. John Mary Vianney Prayer Group (3.8.2024)

Kalay Diocese sunga om Society of St. John Mary Vianney Kipawlna a makaih Rev. Fr. Francis Thang Za Sing vaihawm siamna tawh St. John Mary Vianney ii pawi ni hun noptakin a kizat theih nang ngimna in August 4, 2024 ni tangin August 3, 2024 (Saturday) ni-in Sts. Peter & Paul Biakinn pi ah Pawi nasia takin kibawl hi.
        Tua Pawipi sungah Missa Biakpiakna pen Kalay Diocese sungah St. John Mary Vianney kipawlna a makaih masa pen a hi Sia Sairumma phawkna in a tapa Rev. Fr. Timothy Nang Khan Khual in makaih hi.
          Missa Biakpiakna sungah Pasian Kammal tawh kha-an vakna pen KMSS Kalay Director Rev. Fr. Andrew Go Khan Nang in hong nei hi.
          A mah in Kalay Diocese sungah (Priestcare Foundation) Siamkem Tulkung cih kipawlna pen 2014 kum panin a ki phuankhia a hihna thu leh tua kipawlna pen Siampite natlesat hun ciangin huhna dingin a ki phuankhia a hihna thu leh hih St. John Mary Vianney kipawlna pen Siampite aa ding thungetsak dingin a ki phuan khia kipawlna a hih na thu te a gen kawmin Siampite aa ding no tengin thu nong ngetsak den manun lungdam hi ci-in amaute tungah lungdam kohna nei hi.
        Tua khitteh tu laitakin Siamkem Tulkung kipawlna sunga vaipuak nei Siampi (5) te ii a min teng leh a maute ii tu laitak in a nasepna, mailam ah sep laiding in a gelna vision te zong gen khiatna nei hi. 
        Tua banah mailam ah kipawlkhawmin na hoih tampi sepkhiat zawh semsem nangin zong tha piakna nei hi. 
           Missa Biakpiakna sungah Siamkem Tulkung pan vaipuak a neiA Siampi (5) lak pan (3) kihel thei-in tua khitteh Fr. Timothy Khual leh Intek Siampipa F
r. Maximian Mungpi zong kihel thei a hih manin Siampi (5) leh Society of St. John Mary Vianney sung pan thuzuimi (200) kim kihel thei uh hi.
          Kikhop tuah ciangin thuzuite citpiakna tawh sunan nekna ki nei hi. Tua khitteh hih kipawlna sunga a kihel thuzui teng in a sep ngeina mah bangun Khi khin na, Mawhsutna, Pasian thu Lungngaihna leh thu kikupna cih bangin nikhatbit hun zang uh hi.
          Hi bangin Pawlpi sungah thunget a hat zawdeuh teng kipawlna tuamtuam a om pen thupi mahmah hi. A maute pen Pawlpi aa dingin gal adodo gal hang te hi-in Gamkhat ah gal a kido zawhna dingin ​လေတပ်၊ ​ရေတပ်၊ ​ကြေးတပ်. .. cih bangin a tuam tuam a om mah bangin Pawlpi Suangah zong kipawlna tuamtuam om in tua kipawlna te sungah a
kihel te pen Pawlpi a khangtosak Jesu galkap te a hi uh hi. 
           Tuni hih St. John Mary Vianney Feastday ni-in hih kipawlna sunga a kihel mimal khat kim ciat leh ih Siampi te aa dingin thu ngetsak ciat ni.
         Misiangtho John Mary Vuanney aw ... Kote aa dingin thu hong ngetsak tan! Amen.