Topa Jesu in mite natna namkim itna tawh a damsak na leh mite in Topa Jesu nung a zuihna thu te ih mu hi

Homily by Fr. Joseph Zo Mung (23.1.2020)
Tuni Lungdam na Lai Siangtho (Mk 3:7-12) na sungah Topa Jesu in mite natna namkim itna tawh a damsak na leh mite in Topa Jesu nung a zuihna thu te ih mu hi. Tua ban ah mite leh Dawi te na ngawn in Topa Jesu a phat hangin Topa Jesu in kiniam khiatna tawh hih thu te kua mah kiangah gen kei un a cih na thu te ih etteh theih dingin hong gen ban ah Saul in David pen mite in a phat ciangin hazatna lungsim tawh a thah nopna thu te zong ih za hi. Hazatna lungsim, mi leh za deih luatna lungsim ii a hoihloh na thu leh kiniam khiatna leh itna neih ding a thupit na te ih phak ding hong thei sak hi.