Tua ni ciangin amaute in an a tang ding uh hi.

Catholic Nisim Lai Siangtho, Hun Nautaang Nipi Kaal (2) Na, (MON). January 20, 2020

Lungdamna Lai Siangtho (Mark 2: 18-22)

18. Tua hunin John’ nungzuite le Pharisee-te in an a tang zel uh hi. Jesu’ kiangah mi pawlkhat va pai uh a, “John’ nungzuite le Pharisee-te’ nungzuite in an tang napi, bang hangin na nungzuite in an tang lo uh ahi hiam?” ci-in a dong uh hi.

19. Jesu in amaute’ kiangah, “Mopawi sim a hong pai mite in mopa tawh a omkhawm kimlai bangci-in an tang thei ding uh ahi hiam? Mopa tawh a omkhawm lai tengun an a tang thei kei ding uh hi.

20. Amaute’ kiang pan mopa a kilakkhiat hun hong tung ding hi. Tua ni ciangin amaute in an a tang ding uh hi.

21. “Kuamah in puan lui pen a ton nailo puan thak tawh phop ngei lo hi. Tua bangin ahih leh tua puan thak in puan lui kaikekin a kek semsem ding hi.

22. Kuamah in savun um lui sungah leenggahzu thak thun ngei lo hi. Tua bangin ahih leh leenggahzu in savun um phukham dinga, leenggahzu le savun um a kisia khawm ding hi; ahi zongin, savun um thak sungah leenggahzu thak kithun zaw hi,” a ci hi.

Hih in Topa' Lungdamna Lai Siangtho ahi hi.