“Topa aw, ut peuh lecin, nong siangsak thei ding hi,”

Catholic Nisim Lai Siangtho (THUR). January 16, 2020 , Lungdamna Lai Siangtho (Mark 1: 40-45)

40. Mi phak khat Jesu’ kiangah pai a, a mai-ah khukdinin, “Topa aw, ut peuh lecin, nong siangsak thei ding hi,” ci-in a thum hi.

41. Jesu in hehpihhuaisa-in a khut zanin tua pa lawng a, “Ka ut hi, na siangtho in!” a ci hi.

42. Tua khit phetin phak natna in ama tung pan paikhia a, a siang pah hi.

43. Jesu in tua pan amah paikhiasak a,

44. “Hih thu kuama’ kiangah genpeuhmah kei in. Ahi zongin siampipa’ kiangah pai inla, va kilak in. Amaute in a theihna dingin Moses’ thupiakna om bangin biakapna na pia in,” ci-in khauhtakin a sawl hi.

45. Ahi zongin tua pa paikhia-in, suaktatakin tangko a, tua thu a kizelsak hi, tua ahih manin khuapi sungah Jesu a kilangin lut thei nawn lo a, khua pualam ah a om hi. Tua hi napi-in mun khempeuh panin mihonte ama kiangah hong pai uh hi.

Hih in Topa' Lungdamna Lai Siangtho ahi hi.