Catholic Nisim Lungdamna Laisiangtho Jn 7;1-2,10,25-30 sungsimna (March 15,2024) Friday

Catholic Nisim Lungdamna Laisiangtho Jn 7;1-2,10,25-30 sungsimna (March 15,2024) Friday
1. Tua khit ciangin Galilee gam sung tengah Jesu a vak kawikawi hi. Bang hang hiam cih leh, Jew mite in amah thah dingin zong uh ahih manin, Judea gam sungah vak ding ut lo hi.
2. Tu-in Jew mite’ Buk pawi kham ding a nai ta hi.
10. Ahi zongin pawi siim dingin a sanggamte a pai khit uh ciangin, mipite’ theih lohin Jesu zong a paisim hi.
25. Tu-in Jerusalem khua mite pawlkhat in, “Amaute in thah dinga a zon’ uh hih pa hilo ahi hiam?
26. En un, amah in a kilangin thu a hilh hangin amaute in ama tungah bangmah gen lo uh hi. Hih pa Christu ahi hi, ci-in thuneite in thei takpi ta uh ahi hiam?
27. Ahi zongin hih mipa koi pan hong pai cih eite in i thei hi. Christu hong pai ciangin amah koi pana hong pai cih kuamah in thei lo ding hi,” a ci uh hi.
28. Tua ciangin Jesu in biakinnpi ah thu hilhin kiko a, “Note in kei nong thei uh hi. Koi pana hong pai cih zong nong thei uh hi. Ahi zongin keima ut thu-a hong pai ka hi kei hi. Kei hong sawlpa in thuman thutak tawh a kidim hi. Note in tua pa na thei kei uh hi.
29. Keimah in amah ka thei hi. Bang hang hiam cih leh, ama kiang panin kong pai a, amah in kei hong sawl hi,” a ci hi.
30. Tua ciangin amaute in Jesu mat ding a hanciam uh hi. Ahi zongin kuamah in ama tungah khut nga thei lo uh hi, bang hang hiam cih leh ama hun tung nai lo hi.

+Hih in Topa' Lungdamna Laisiangtho ahi hi.
- Christu Topa aw na tungah phatna om ta hen.