"Abraham’ suan, David’ suan, Messiah Jesu’ khangsimna in hih bang ahi hi"

Catholic Nisim Lai Siangtho. Adventu Nipi Kaal (3) Na (TUE) December 17.2019

Lungdamna Lai Siangtho. (Matthew 1: 1-17)

1. Abraham’ suan, David’ suan, Messiah Jesu’ khangsimna in hih bang ahi hi:

2. Abraham’ tapa Isaac, Isaac’ tapa Jacob, Jacob’ tapa Judah, le a sanggam pasalte ahi uh hi.

3. Judah in a zi Tamar tawh a neih a tapa Perez le Zerah hi a, Perez’ tapa Hezron, Hezron’ tapa Aram,(a)

4. Aram’ tapa Amminadab, Amminadab’ tapa Nahshon, Nahshon’ tapa Salmon ahi hi,

5. Salmon in a zi Rahab tawh a neih a tapa Boaz hi a, Boaz in a zi Ruth tawh a neih a tapa Obed hi-in, Obed’ tapa Jesse ahi hi;

6. Jesse in kumpipa David’ pa ahi hi. David in Uriah’ zi tawh a neih a tapa Solomon,

7. Solomon’ tapa Rehoboam, Rehoboam’ tapa Abijah, Abijah’ tapa Asaph,(b)

8. Asaph’ tapa Jehoshaphat, Jehoshaphat’ tapa Joram, Joram’ tapa Uzziah,

9. Uzziah’ tapa Jotham, Jotham’ tapa Ahaz, Ahaz tapa Hezekiah ahi hi,

10. Hezekiah’ tapa Manasseh, Manasseh’ tapa Amos,(c) Amos’ tapa Josiah,

11. Josiah in Babylon ah salin a omlai uh-a a neih a tapa Jechoniah le a sanggam pasal teng ahi hi.

12. Tua ciangin Babylon ah sal a tan khit uh ciangin Jechoniah’ tapa Salathiel,(d) Salathiel’ tapa Zerubbabel,

13. Zerubbabel’ tapa Abiud, Abiud’ tapa Eliakim,

14. Eliakim’ tapa Azor, Azor’ tapa Zadok, Zadok’ tapa Achim, Achim’ tapa Eliud,

15. Eliud’ tapa Eleazar, Eleazar’ tapa Matthan, Matthan’ tapa Jacob,

16. Jacob’ tapa Joseph hi-in, Joseph in Maria’ lawmpa hi a, Maria sung panin Messiah kici Jesu hong suak hi.

17. Hih bangin Abraham pan David dong khang vekpi gawm khang sawm le khang li, David pan Babylon a saltan dong khang sawm le khang li hi-in, saltan khit pan Messiah* dong khang sawm le khang li ahi hi.

Hih in Topa’ lungdamna Lai Siangtho ahi hi.