Misiangtho Marcellus the Centurion pawini. (October 30)

Misiangtho Marcellus in kum zalom 3 hunin, Spain gam ah suak hi. AD-298 kim pawlin, Roma Emperor Maximian Herculeus ii suahni pawi pen Spain gam, Strait of Gibraltar in Tangier ah kibawl hi. Tua pawiah mi zakhat uk galkap bu Marcellus adingin, buaina khat piang hi.
Tua in Roma galkap Pasian umlo te dawi biakna hunah kihel ding cih thu hi. Marcellus in a lum leh a tem te leiah khia in, Christian thuzui khat ahihna genkhia a, tua dawi biakna ah kihel zo kei ning ci-in nial in,“ kei-in atawntung kumpi ahi, Christu ii galkap khat hi-ing” ci lai hi.
Tua ciangin Marcellus thong sungah kikhum a, thu asitsit uh hangin ama upna paai tuan lo a hih manin Aurelius Agricolanus in sihnadan piak dingin khensat hi. Ahi zongin thukhenna zum ii lai at pa leh teci pang sitni pa ahi Cassian in tua thu khenna manlo hi ci-in nial ahih manin amah zong sihna dan ki pia pah hi. Marcellus in October 30 ni-in thahna thuak a, Christian Martyr khat suak hi. Asawt lo-in Cassian zong tua bang mahin that uh hi.
Misiangtho Marcellus aw….Kote adingin thu hong ngetsak tan.