Bang hang hiam cih leh, Mihing’ Tapa in a mangsate zong ding le honkhia dinga hong pai ahi hi,”

Catholic Nisim Lai Siangtho. Hun Nautaang Nipikaal (33) Na (TUE.) November 19.2019

Lungdamna Lai Siangtho. (Lk. 19: 1-10)

1. Jericho khuapi ah Jesu lut a, khua sung nawkin a paisuak hi.

2. Tua lai-ah Zacchaeus kici mi khat a om hi. Amah siahdongte’ makai khat hi a, mihau khat zong ahi hi.

3. Amah in Jesu kua ahi hiam, cih muh ding a hanciam hi. Ahi zongin amah a tun tom ahih manin, mihonpite’ hangin mu thei lo hi.

4. Tua ahih manin amah na matai a, theithek kung khat tungah a na kah hi, bang hang hiam cih leh Jesu in tua lai tawnin pai ding ahih man ahi hi.

5. Jesu in tua mun a tun ciangin amah en to a, “Zacchaeus aw, a manlangin hong kumsuk in; bang hang hiam cih leh tuni-in na inn ah kong taam ding hi,” a ci hi.

6. Tua ahih manin Zacchaeus kum mengmeng a, lungdam takin Topa a muak hi.

7. Tua thu mipite in a muh uh ciangin, “Amah mawhneipa’ inn sungah zin a tung hi,” ci-in a zahko uh hi.

8. Zacchaeus dinga Jesu’ kiangah, “Topa aw, en in, ka neihsa a lang mizawngte ka pia ding hi. Mi khatpeuh khemin ama neihsa ka laksak leh a zah li-in ka loh kik ding hi,” a ci hi.

9. Tua ciangin Jesu in ama kiangah, “Tuni-in hih inn sungah hotkhiatna a tung hi, bang hang hiam cih leh amah zong Abraham’ tapa khat ahi hi.

10. Bang hang hiam cih leh, Mihing’ Tapa in a mangsate zong ding le honkhia dinga hong pai ahi hi,” a ci hi.

Hih in Topa’ lungdamna Lai Siangtho ahi hi.

#DailyBible, #RVA, #WordofGod, #Bible, #Laisiangtho,
#Tedim, #KalayDiocese, #Zomi, #Gospel,

Website: http://dtedim.rveritas-asia.org/
Like us on https://www.facebook.com/rvatedimchinservice ,
See us on https://www.youtube.com/channel/UCvMw-hJ1GDQ