Misiangtho Maximilian Kolbe Pawini. (Aug-14)

Misiangtho Maximilian Kolbe in 1894 kum, January-8 ni-in Poland gamah suak hi. A neu lai in ama kiangah Tonu kilangh in Tonu in akhutsung a om paak nih te pan khat, Maximilian teel sak hi. Khat in a kaang hi a, siangthona lim lak hi. Khat pen a san hi-in hangsanna (thah na thukna) lim ahi hi. Maximilian in a nih in teel ing ci-in dawng hi.
1910 kumin Franciscan congregation ah lut in Philosophy a picing zaw in sin dingin Rome ah pai hi. Siampi a suah ma kum khat aki sap hun ahi 1917 kum in Militia of Mary Immaculate ki pawlna khat phuan hi.1930 kum in Japan ah kum tawm vei sung om in “the Garden of the Immaculate Conception” phuan hi. Galpi nih hong tun ciangin Maximilian in Jew minam dongtuak te huh dingin hanciam hi.
1941 kum in Gestapo in Maximilian mu in Auschwitz cihna thong ah koih hi. July-31 ni-in thong kia a tai sim khat taang dingin mi 10 manin khan neu khat sungah khumcip in an golh na tawh si sak uh hi. Fr. Maximilian in tua mi 10 te lak pan Francisca leh Joseph unau nih te’ pa taangin amah ki-ap hi.
Kaal nih asawt khit ciangin 1941 kum, August-14 ni-in Cabor Acid sunin that uh hi. A mahin Tonu Maria min a kam pan lo-in daai tak in si hi. Misiangtho Maximilian in innkuante leh thongkiate ahuh Misiangtho in ki ciamteh hi.
Misiangtho Maximilian aw...Ko te adingin thu hong ngetsak tan.