Lungdamna Laisiangtho Mt 13:47-53 sungsimna (03.8.2023)

Catholic Nisim Lungdamna Laisiangtho simna Hun nautaang sung Nipi Kaal (17) na,Mt 13:47-53, 3.8.2023,Thursday
**********
47. “Khat kik ah, vantung gam in tuipi sungah khuhsukin ngasa namkim a kimat theihna ngeen tawh kibang hi.
48. Ngasa tampi a awk ciangin, ngabengte in tui gei-ah a ngeen uh kaikhia-in tusuk kawmin ngasa a limci teng teelin a ngabawm sung uh ah koih uh a, a hoih lo teng a paikhia uh hi.
49. Leitung hun a bei ciangin, tua bang mahin ahi ding hi. Vantung mite hong kumsukin midikte’ lak pan migilote khenkhia-in,
50. meiphualpi sungah khia ding uh a, tua lai-ah kahna le hagawina a om ding hi,” a ci hi.
51. Jesu in amaute’ kiangah, “Hih thu khempeuh na telcian khin uh hiam?” ci-in a dong hi. Amaute in, “Ka tel mah uh hi,” ci-in a dawng uh hi.
52. (a)Tua ciangin amah in amaute’ kiangah, “Tua hi a, vantung gam thute sin a, a thei khin lai siangtho siamte khempeuh in amaute’ na manpha kholna sung pan a lui, a thak cih om loin a ututin a lakhia thei ziauziau inn neipa tawh kibang uh hi,” a ci hi.53. Jesu in hih thugentehnate a gen khit ciangin, tua mun panin a paikhia hi.

Hih in Topa' Lungdamna Laisiangtho ahi hi.