Lungdamna Laisiangtho Matthew-14:22-36 sung simna (Aug.8,2023)

 Matthew-14:22-36 ...... 22. Tua khit phetin Jesu in mihonpite ciahsak a, a nungzuite gunkuang tuangsakin, tui gal khat ah a mapaisak hi.

23. Mihonpite a ciahsak khit ciangin thungen dingin amah bek mual tung ah a paito hi. Nitak hong tun ciangin Jesu bek mah tua lai-ah a om lai hi.

24. Ahi zongin nungzuite’ tuanna gunkuang leilak pan gamlapi kihal khinta a, huih in amaute lehmut ahih manin tuihualte in gunkuang a lokgawp hi.

25. Zingsang khuavak kuanin, Jesu in amau lam zuanin tuipi tungah a pai hi.

26. Ahi zongin nungzuite in tuipi tungah amah hong pai a muh uh ciangin laulua-in, “Sikha hi,” ci-in a awng uh hi.

27. Ahi zongin amah in amaute hopih a, “Lungmuang takin om un! Keimah ka hi hi; lau kei un,” a ci hi.

28. Peter in, “Topa aw, nangmah na hih takpi leh, kei zong tui tung tawnin nangma kiangah hong pai dingin thu hong pia in,” a ci hi.

29. Jesu in, “Hong pai in.”a ci hi. Tua ahih manin Peter zong gunkuang tung panin tuakkhia-a, Jesu’ kiang zuanin tuipi tungah a pai hi.

30. Ahi zongin huihpi nung a muh ciangin lau a, tuipi sungah tumsuk dektak ahih manin, “Topa aw, hong hon in,” ci-in a kiko hi.

31. Jesu in thakhatin a khut man a, “Upna neupa aw, bang hangin umlah lai na hi hiam?” a ci hi.

32. Gunkuang sungah a tun uh ciangin huihpi zong a daipah hi.

33. Gunkuang sungah a om teng in amah bia-in, “Nangmah in Pasian’ Tapa taktak na hi hi,” a ci uh hi.

34. Amaute tui gal a kah khit uh ciangin Gennesaret gam a tung uh hi.

35. Tua gama mite in Jesu ahih lam a theih uh ciangin a kima khua khempeuh ah thu zasak uh a, cina khempeuh a kiangah hong paipih uh hi.

36. Amaute in a puantual mongteep beek a lawn khak theihna dingin thum uh a, a lawng mi khempeuh in damna a ngah uh hi.

Hi in Topa' lungdamna Laisiangtho ahi hi.